බංග්ලාදේශ කණ්ඩායමට එරෙහි දෙවන ටෙස්ට් ක්‍රිකට් තරගයත් ලකුණු 192කින් ජය ගැනීමට සංචාරක ශ්‍රී ලංකා කණ්ඩායම සමත්වුණා.
තරගයේ පළමු ඉනිම වෙනුවෙන් පන්දුවට පහරදුන් ශ්‍රී ලංකා කණ්ඩායම සියලුදෙනා දැවී ලකුණු 531ක් ලබාගත්තා.
ඊට පිළිතුරු වශයෙන් බංග්ලාදේශ කණ්ඩායමට පළමු ඉනිමේදී සියලුදෙනා දැවී ලකුණු 178 ක් පමණයි.
දෙවන ඉනිම වෙනුවෙන් පිටියට පිවිසි ශ්‍රී ලංකා කණ්ඩායමට එතරම් සාර්ථකත්වයකින් ක්‍රීඩා කිරීමට නොහැකි වූ අතර, ඔවුන් කඩුලු 07කට ලකුණු 157 ක් ලබා සිටියදී ඉනිම අත්හිටුවීමට තීරණය කළා.
ඒ අනුව මෙම තරගය ජයග්‍රහණය සදහා බංග්ලාදේශයට හිමි වූයේ ලකුණු 512ක දැවැන්ත ඉලක්කයක්.
එහෙත් බංග්ලාදේශ කණ්ඩායමට දෙවන ඉනිමේදී සියලුදෙනා දැවි ලබා ගැනීමට හැකි වූයේ ලකුණු 318ක් පමණයි.
ඒ අනුව ශ්‍රී ලංකාවට දෙවන ටෙස්ට් තරගයේ ජය හිමි වූ අතර තරගාවලියේ ජය ද 2ට බින්දුවක් ලෙසට හිමි වූයේ ශ්‍රී ලංකාවටයි.
