ජාත්‍යන්තර අධිකරණයෙන් ඊශ්‍රායලයට නියෝගයක්

සාගත තත්ත්වය වළක්වා ගැනීම සඳහා ගාසා තීරයට බාධාවකින් තොරව ආධාර ලබා දීමට අවස්ථාව සලසන්නැයි එක්සත් ජාතීන්ගේ සංවිධානය ඊශ්‍රායලයට නියෝග කර තිබෙනවා.

එක්සත් ජාතීන්ගේ ජාත්‍යන්තර අධිකරණය පැවසුවේ ගාසා තීරයට අවශ්‍ය මූලික සේවාවන් සහ මානුෂීය ආධාර සැපයීමට ප්‍රමාදයකින් තොරව ඉඩ දීමට ඊශ්‍රායලය ක්‍රියා කළ යුතු බවයි.

තවත් සති කිහිපයකින් ගාසා තීරයට සාගතයක් ඇති විය හැකි බවට වන අනතුරු ඇඟවීමෙන් පසුව ජගත් සංවිධානය මෙම නියෝගය කර තිබෙනවා.

කෙසේවෙතත් ඊශ්‍රායලය පවසන්නේ ආධාර ලබාදීම් අවහිර කරන බවට එල්ල වන චෝදනා සම්පූර්ණයෙන්ම පදනම් විරහිත බවයි.

දකුණු අප්‍රිකාව විසින් ජාත්‍යන්තර අධිකරණය වෙත ඉදිරිපත් කරන ලද ජන සංහාර පිළිබඳ චෝදනා ද ඊශ්‍රායලය ප්‍රතික්ෂේප කර ඇති අතර ආධාර බෙදා හැරීමේ ගැටළු සම්බන්ධයෙන් ඔවුන් එක්සත් ජාතීන්ගේ සංවිධානයට දොස් පවරා තිබෙනවා.

ගාසා තීරයේ ජන ඝාතන ක්‍රියාවන් වැලැක්වීමට සියලු ක්‍රියාමාර්ග ගන්නා ලෙස ඊශ්‍රායලයට ජනවාරි මාසයේදී නිකුත් කළ නියෝගය ශක්තිමත් කරන ලෙස දකුණු අප්‍රිකාව ඉල්ලා සිටීමෙන් පසුවයි හේග් අධිකරණයේ මෙම තීන්දුව ලැබී ඇත්තේ.

පසුගිය සතියේ, ලෝක ආහාර වැඩසටහන මෙහෙයවනු ලබන ඒකාබද්ධ ආහාර සුරක්ෂිතතා වාර්තාවක් අනතුරු ඇඟවූයේ ගාසා තීරයේ ව්‍යසනකාරී තත්වයක් වර්ධනය වෙමින් පවතින බවයි.

ගාසා තීරයේ මිලියන 2.2 ක ජනතාව උග්‍ර ආහාර අනාරක්‍ෂිතතාවයකට මුහුණ දී සිටින බවත්, මැයි මස අවසානයට පෙර භූමියේ උතුරට සාගතයක් ඇති වනු ඇතැයි පුරෝකථනය කර ඇති බවත් එහි සඳහන්.

එක්සත් ජාතීන්ගේ නිරීක්ෂකයින්ට අනුව සාගතය ආරම්භ වෙමින් පවතින අතර මන්දපෝෂණයෙන් සහ විජලනය හේතුවෙන් දරුවන් 27 දෙනෙකු ඇතුළු 31 දෙනෙකු දැනටමත් මිය ගොස් ඇති බව හෙළිවී තිබෙනවා.

ගාසා තීරයේ හමාස් පාලනය යටතේ පවතින සෞඛ්‍ය අමාත්‍යාංශය පවසන්නේ ඊශ්‍රායලයේ ප්‍රහාර හමුවේ පුද්ගලයින් 32,552ක් මිය ගොස් ඇති බවයි.

හිටපු ඔස්ට්‍රේලියානු ටෙස්ට් ක්‍රිකට් ක්‍රීඩකයෙක් රක්ෂිත බන්ධනාගාරයට

හිටපු ඔස්ට්‍රේලියානු ටෙස්ට් ක්‍රිකට් ක්‍රීඩක මයිකල් ස්ලේටර් ගෘහස්ත හිංසනයට අදාළ වැරදි කිහිපයක් සම්බන්ධයෙන් වූ චෝදනා මත පොලිස් අත්අඩංගුවට ගෙන තිබෙනවා.

Read More »

රුධිරය පරිත්‍යාග කරන්නැයි ඔස්ට්‍රේලියානුවන්ගෙන් ඉල්ලීමක්

බොන්ඩායි ජන්ෂන්හි සිදු වූ පිහි ඇනුම හේතුවෙන් රුධිරය පරිත්‍යාග කරන ලෙස ඔස්ට්‍රේලියානු රතු කුරුස සංවිධානය විසින් ඉල්ලීමක් ඉදිරිපත්ති කර තිබෙනවා.

Read More »

අතුරුදන් වෙන්න යන දූපත් සමූහයක් රැක ගන්න ඔස්ට්‍රේලියානු ඉංජිනේරුවෙක් පෙරට එයි

ඔස්ට්‍රේලියාව සහ හවායි අතර පිහිටි කුඩා දූපත් නවයකින් සැදුම්ලත් ටුවාලු රාජ්‍ය වසර 50ක් ඇතුළත අතුරුදහන් වනු ඇතැයි පුරෝකථනය කර තිබෙනවා.

Read More »

මෙල්බන් ඇතුලු ප්‍රධාන නගර රැසක ආරක්ෂාව දැඩි කරයි

පලස්තීන හිතවාදී විරෝධතාකරුවන් අද ඔස්ට්‍රේලියානු නගර රැසක් අවහිර කරමින් විරෝධතා ව්‍යාපාරයක් සිදු කිරීමේ සැලසුමක් සම්බන්ධයෙන් තොරතුරු ලැබී ඇතැයි පොලිසිය පවසනවා.

Read More »