මෙල්බන් නගරයේ මත්ද්රව්ය ජාවාරම් කළ බවට චෝදනා එල්ල වූ පුද්ගලයෙකුට අයත් ඩොලර් මිලියන 4ක වටිනාකමින් යුත් සුඛෝපභෝගී මෝටර් රථ පොලිස් භාරයට ගෙන තිබෙනවා.
මත්ද්රව්ය ජාවාරම්වලින් උපයාගත් මුදල්වලින් මිලදී ගත් බව කියන ඩොලර් මිලියන 4ක් වටිනා සුඛෝපභෝගී මෝටර් රථ 17ක් වික්ටෝරියා පොලිසිය විසින් මෙලෙස සිය භාරයට ගෙන ඇති බවයි වාර්තා වන්නේ.
වික්ටෝරියා පොලිසිය මොනී පොන්ඩ්ස් හි ව්යාපාරික ස්ථානයක් වටලා නීති විරෝධී මත්ද්රව්ය සහ හෝමෝන ඇතුළු නීති විරෝධීව ළඟ තබා ගත් බෙහෙත් සොයා ගෙන තිබෙනවා.
සමර්ටන්හි කර්මාන්ත ශාලාවකදී එම ව්යාපාරයේ හිමිකරු බව කියන පුද්ගලයා ද අත්අඩංගුවට ගත් බවයි පොලිසිය සඳහන් කළේ.
ලැම්බෝගිනි දෙකක් ද ඇතුලුව සුඛෝපභෝගී මෝටර් රථ 17ක් මෙන්ම ඩොලර් 950,000ක මුදල් සොයාගෙන ඇත්තේ එම කර්මාන්ත ශාලාවේ තිබියදී යි.
යාරම්බට්හි පදිංචි 54 හැවිරිදි ව්යාපාරිකයාට මත්ද්රව්ය ජාවාරම් කිරීම සම්බන්ධ වැරදි රැසකට චෝදනා එල්ල වී ඇති අතර ඔහු අද මෙල්බර්න් මහේස්ත්රාත් අධිකරණයට ඉදිරිපත් කිරීමට නියමිතයි.