දුම්වැටි අලෙවි කරන්න බලපත්‍ර ක්‍රමයක්

සිල්ලර වෙළඳුන්ට දුම්වැටි අලෙවි කිරීම සඳහා බලපත්‍රයක් ලබා ගත යුතු වන නව ක්‍රමයක් වික්ටෝරියා ප්‍රාන්තය විසින් හඳුන්වා දීමට සැලසුම් කර තිබෙනවා.

නීති විරෝධීව දුම්කොළ නිෂ්පාදන අලෙවිය නතර කිරීම සඳහා මෙම පියවර ගන්නා බවයි අගමැතිනී ජසින්ටා ඇලන් ප්‍රකාශ කළේ.

නව රෙගුලාසි ඉදිරියේදී පාර්ලිමේන්තුවට ගෙන එන බව අගමැතිනිය සඳහන් කර තිබෙනවා.

දුම්වැටි අලෙවි කරනු ලබන වෙළඳසැල්වල දැඩි කොන්දේසි සපුරාලීමට සිදු වන අතර බලපත්‍ර සංඛ්‍යාවට සීමාවක් නොමැති බවයි ඇය කියාසිටියේ.

මේ ආකාරයේ බලපත්‍ර ක්‍රමයක් හඳුන්වාදීම මගින් නීති විරෝධී දුම්වැටි අලෙවි කරනු ලබන පුද්ගලයන් අත්අඩංගුවට ගැනීමේ පොලිස් මෙහෙයුම්වලට ද උපකාරී වනු ඇතැයි ජසින්ටා ඇලන් ප්‍රකාශ කළා.

දැනට දුම්කොළ නිෂ්පාදන සඳහා සිල්ලර බලපත්‍ර ක්‍රමයක් නොමැති එකම ප්‍රාන්තය වික්ටෝරියා ප්‍රාන්තයයි.

පසුගිය ඔක්තෝම්බර් මාසයේ සිට කාර්ය සාධක බලකාය නීතිවිරෝධීව දුම්වැටි අලෙවි කිරීමට සම්බන්ධ වෙළඳසැල් 70කට ආසන්න ප්‍රමාණයක් වටලා තිබෙනවා.

ඔවුන් එහිදී ඩොලර් මිලියන 3.2 ක් වටිනා ඉලෙක්ට්‍රොනික දුම්වැටි 108,722ක්, ඩොලර් මිලියන 3.9ක් වටිනා දුම්වැටි මිලියන තුනකට වඩා සහ ඩොලර් මිලියන 1.9ක් වටිනා දුම්කොළ ටොන් එකකට වඩා වැඩි ප්‍රමාණයක් අත්අඩංගුවට ගෙන තිබෙනවා.

වික්ටෝරියා පොලිසියේ ප්‍රකාශකයෙකු පැවසුවේ මෙම නීති හඳුන්වා දීම රජයට අයත් කරුණක් වුව ද ඕනෑම බලපත්‍ර යෝජනා ක්‍රමයක් තමන් පිළිගන්නා බවයි.

මෙම යෝජනා ක්‍රමය වික්ටෝරියානුවන් වඩාත් හොඳින් ආරක්ෂා කරනු ඇති බව පිළිකා කවුන්සිලයේ වික්ටෝරියා ප්‍රධාන විධායක ටොඩ් හාප් සඳහන් කර තිබෙනවා.

සිල්ලර වෙළඳ ප්‍රජාවට දුම්කොළ නිෂ්පාදන ප්‍රවර්ධනය කිරීම වළක්වන නීති පැනවීම මඟින් රජයට අවශ්‍ය වන්නේ මිනිසුන් දුම්පානය ආරම්භ නොකිරීමට සහ දුම්පානය කරන අයට ඉවත් වීමට සහාය වීම බවයි ඔහු සඳහන් කළේ.

එබැවින් මෙම යෝජනා ක්‍රමය අවසානයේ ජීවිත බේරා ගන්නා තවත් ඉදිරි පියවරක් බව ද ටොඩ් හාප් පෙන්වා දී තිබෙනවා.

ඉරාන ප්‍රහාරයක අවදානමක් නිසා ඇමෙරිකා පුරවැසියන්ට දැනුම් දීමක්

ඉරානයෙන් ප්‍රහාරයක් එල්ල වනු ඇතැයි පවතින බිය හේතුවෙන් ඇමරිකා එක්සත් ජනපදය ඊශ්‍රායලයේ සිටින සිය සේවකයන්ට ගමන් බිමන් සීමා කරන ලෙසට උපදෙස් ලබාදී තිබෙනවා.

Read More »

ඔස්ට්‍රේලියාව සහ රටවල් රැසක ළමයින්ට මාරාන්තික විය හැකි රෝගයක් ව්‍යාප්ත වෙයි

ශ්වසන පද්ධතිය ආශ්‍රිතව බෝවන රෝගයක් වන කක්කල් කැස්ස යළි ඔස්ට්‍රේලියාව ඇතුලු ලොව පුරා රටවල් කිහිපයක ව්‍යාප්ත වෙමින් පවතින බව වාර්තා වනවා.

Read More »

මෙවර ඔලිම්පික් උළෙලේ සිට ජයග්‍රාහකයන්ට අලුත් ත්‍යාගයක්

එළැඹෙන ඔලිම්පික් උලෙළේ සිට ජවන හා පිටිය ක්‍රීඩා ඉසව්වලින් ජයග්‍රහණ ලබා ගන්නා ක්‍රීඩක ක්‍රීඩිකාවන්ට මුදල් ත්‍යාග පිරිනැමීමට ලෝක මලල ක්‍රීඩා සම්මේලනය තීරණය කර තිබෙනවා.

Read More »

ආර්ථික වර්ධනය ඉහළ නංවන සැලැස්ම අගමැති හෙළි කරයි

ප්‍රධාන කර්මාන්ත සඳහා ආධාර සපයමින් ඔස්ට්‍රේලියාවේ ආර්ථික වර්ධනය ඉහළ නැංවීමට සැලැස්මක් අග්‍රාමාත්‍ය ඇන්තනී ඇල්බනිස් හෙළි කර තිබෙනවා.

Read More »