ඔස්ට්‍රේලියාවේ පුද්ගලික පාසල්වලට සිසුන් ඇතුලත් කිරීම අඛණ්ඩව තුන්වැනි වසරටත් ඉහළ ගොස් ඇතැයි අනාවරණ වී තිබෙනවා.
දෙමාපියන් රාජ්‍ය පද්ධතියේ ස්වාධීන හෝ කතෝලික පාසල්වලින් වාර්තාගත ලෙස ඉවත්වීම හමුවේ මෙම තත්වය උද්ගත වී ඇති බවයි වාර්තා වන්නේ.
ඔස්ට්‍රේලියානු සංඛ්‍යාලේඛන කාර්යාංශය 2023 වසර සඳහා වන නව දත්ත නිකුත් කර ඇති අතර පොලී අනුපාත ඉහළ යාම හෝ ජීවන වියදම් ඉහළ යාම හමුවේ වුව ද පෞද්ගලික පාසල්වලට සිසුන් ඇතුලත් කිරීමේ ප්‍රවණතාවය වර්ධනය වන බව සඳහන්.
ප්‍රාථමික හා උසස් පාසල් හරහා පෞද්ගලික පාසල්වලට ඇතුළත් කිරීම් සියයට 2.5කින් වර්ධනය වී තිබෙනවා.
මේ අතර, රජයේ පාසල්වල සිසුන් ඇතුලත් කිරීම ඉහළ ගොස් ඇත්තේ සියයට 0.3කින් පමණ වන අතර, එය රජයේ පාසල්වල බඳවා ගැනීම් පහත වැටුණු 2022 වසරට වඩා සුලු ඉහළ යාමක්.
ඔස්ට්‍රේලියාව පුරා, මේ වන විට සිසු සිසුවියන් මිලියන 1.5ක් පෞද්ගලික පාසල්වලට ඇතුළත් වන අතර පොදු පාසල් පද්ධතියේ සිටින සංඛ්‍යාව මිලියන 2.6ක් පමණ වනවා.
රජයේ පාසල්වල ප්‍රමාණවත් පන්ති කාමර සහ පාසල් නඩත්තුව වැනි මූලික අවශ්‍යතා සැපයීමට රජය අපොහොසත් වීම මෙන්ම ගුරුවරුන් ද රාජ්‍ය අංශයෙන් ඉවත්වීමට කටයුතු කරමින් සිටින බවයි විචාරකයන් පෙන්වා දෙන්නේ.
