Kmart සුපිරි වෙළෙඳ සැල්හි අලෙවි කළ නිදන ඇඳුම් කට්ටලයක් ආපසු කැඳවා තිබෙනවා.
මෙලෙස කැඳවා ඇත්තේ ඩයිනෝ මෝස්තරයේ ලිට්ල් බෝයිස් ස්ලීප් ටූසි (Little Boys Sleep Twosie in dino desing )ලෙස හඳුන්වනු ලබන ළමුන් සඳහා නිර්මාණය වූ රාත්‍රී ඇඳුම් කට්ටලයක්.
රාත්‍රී ඇඳුම් සඳහා සපුරාලියයුතු අනිවාර්ය ආරක්ෂක ප්‍රමිතීන් එහි අනුකූල නොවීම හේතුවෙන් මෙම පියවර ගෙන ඇති බවයි වාර්තා වන්නේ.
තාපයට හෝ ගිනිදැල් ප්‍රභවයකට නිරාවරණය වුවහොත්, මෙම ඇදුම් ක්ෂණිකව පිළිස්සිය හැකි අතර බරපතල අවදානමක් මතුවිය හැකි බව සදහන්.
මෙම නිදන ඇඳුම් කට්ටළයෙහි නිවැරදි ගිනි උවදුරු ලේබලය අඩංගු නොවීම මෙලෙස කැදවීමට බලපා තිබෙනවා.
පෙබරවාරි 5 සිට පෙබරවාරි 26 දක්වා ඔන්ලයින් මාර්ගයෙන්ද ලොව පුරා මෙම ඇදුම් කට්ටල අලෙවි කර ඇති අතර 2 සිට 8 දක්වා ප්‍රමාණයෙන් යුතු එම වර්ගයේ සෑම කට්ටලයක්ම යළි කැදවීමටයි පියවර ගෙන ඇත්තේ
මෙම ඇදුම් මිලදීගත් පාරිභෝගිකයින් වහාම එම ඇදුම් ළමයින් ඇඳීම නතර කළ යුතු අතර මිලදි ගත් වෙළදසැලවෙත භාර දී මුදල ලබා ගැනීමේ හැකියාව පරිභෝගිකයින්ට පවතිනවා
මේ පිළිබද වැඩි විස්තර සඳහා 1800 124 125 දුරකථනයෙන් හෝ kmart australia වෙබ් අඩවිය හා සම්බන්ධ වීමෙන් ලබාගත හැකියි.
