ගෑස් සැපයුම ඉල්ලුමට වඩා වේගයෙන් පහත වැටෙන බැවින්, වික්ටෝරියා වැනි දකුණු ප්රාන්තවලට 2028 වසරේ සිට ඇති විය හැකි ගෑස් හිඟයක් ගැන බලශක්ති සමාගම් අනතුරු අඟවා තිබෙනවා.
ඉල්ලුම සපුරාලීම වෙනුවෙන් නව සැපයුම් සඳහා නියෝජිතයන් අවසර ඉල්ලා සිටිය ද ඇතැම් විශ්ලේෂකයින් ඊට එකඟතාවක් නොදක්වන්නේ ගෑස් භාවිතය අඩුවීම වේගවත් වනු ඇති බව පවසමින්.
ඔස්ට්රේලියානු බලශක්ති වෙළඳපොල ඒජන්සිය වාර්තාවක් නිකුත් කරමින් පෙන්වා දෙන්නේ වික්ටෝරියා හි විශාලතම ගෑස් කම්හල වසා දැමීම මගින් සැපයුම්වල විශාල හිඩැසක් ඇති කරන බවයි.
උණුසුම සහ විදුලිය සඳහා ගෑස් සඳහා ඉල්ලුම ඉහළ යා හැකි ශීත ඍතුව තුළ ලබන 2025 වසරේ මුල් භාගයේ සිට හිඟයන් මතු විය හැකි බව එම වාර්තාව මගින් අනතුරු අඟවා තිබෙනවා.
කෙසේවෙතත් බලශක්ති ආර්ථික හා මූල්ය විශ්ලේෂණ ආයතනයේ කෙවින් මොරිසන් සඳහන් කළේ ඕස්ට්රේලියාවේ නැගෙනහිර ප්රාන්තවල ගෑස් හිඟයක් නොමැති බැවින් වැඩි සැපයුම් අවශ්ය නොවන බවයි.
නිෂ්පාදනය කරන ගෑස්වලින් වැඩි ප්රමාණයක් අපනයනය ලෙස යැවීමට වඩා දේශීය වෙළඳපොළට යොමු කිරීම මගින් මෙම තත්ත්වය වළක්වා ගත හකි බවයි ඔහු පෙන්වා දෙන්නේ.
