මෙල්බර්න් හි පෝට් ෆිලිප් බේ ප්‍රදේශයේදී අද උදෑසන බෝට්ටුවක් ගිනි ගැනීමෙන් සිද්ධියෙන් එහි සිටි පාසල් සිසුන් 20කට වැඩි පිරිසක් බේරාගැනීමට ආරක්ෂක අංශ සමත්ව තිබෙනවා.
උදෑසන 8.30 ට පමණ ක්වීන්ස්ක්ලිෆ් ඔබ්බෙන් වූ මුහුදු තීරයේදී බෝට්ටුව ගිනිගෙන ඇති බවට පොලීසියට ලද තොරතුරු අනුව කඩිනමින් ප්‍රතිචාර දැක්වීමත් සමග මෙම සිසුන් පිරිස බේරා ගැනීමට හැකිවූ බවයි වාර්තා වන්නේ.
ගිනි ගැනීම සිදුවන අවස්ථාවේ දී පාසල් සිසුන් සහ කාර්ය මණ්ඩලය ඇතුළු මගීන් 22 දෙනෙක් එහි සිට ඇති අතර සියලු දෙනා ආරක්ෂිතව වරාය තොටුපළට රැගෙනවිත් ඇති බව සදහන්.
බෝට්ටුවේ එන්ජිමේ හටගත් ගින්න සිද්ධියට මුල්ව ඇති අතර ගිනි ගැනීමෙන් කිසිවෙකුටත් හානි සිදුව නැහැ.
මෙල්බන්හි හී බාලිකා පාසලක 9 ශ්‍රේණියේ සිසුවියන් පිරිසක් භූගෝලීය විශයට අදාළව ඩොල්ෆින් මසුන් නැරඹීමට යෑමේදී මෙම අනතුරට මුහුණ දී තිබුණා.
කෙසේ වෙතත් සිදුවීම සැළවීමත් සමග වහාම ක්‍රියාත්මක වූ ආරක්ෂක අංශ ගින්න මැඩපවත්වා අදාළ බෝට්ටුව ද වරාය පරිශ්‍රය වෙත රැනවිත් ඇති බව සදහන්
