Melbourne Cup තරගාවලියේ 2021 වසරේ ශූරතාවය දිනාගත් ජයග්‍රාහි අශ්වයා වන වෙරි එලිගන්ට් (Verry Elleegant) ගේ හදිසි අභාවය පිළිබඳ තුරඟ තරඟ ලෝලීන් දැඩි කම්පාවට පත්ව තිබෙනවා.
වෙළඹගේ මරණය සැළවීමත් සමග ලොව පුරා වෙසෙන ප්‍රේක්ෂකයින් සමාජ මාධ්‍ය ඔස්සේ සිය ශෝකය පල කර තිබුණා.
Verry Elleegant ගේ භාරකරු සඳහන් කර ඇත්තේ වෙළඹ පැටවකු බිහිකිරීමට යෑමේ දී මෙලෙස මියගොස් ඇති බවයි.
ඔස්ට්‍රේලියාවේ තුරඟ තරඟ පිටි මත නොයෙක් දස්කම් මැවු Verry Elleegantගේ මියයෑම බොහෝ දෙනෙකුට හද කම්පා කරවන පුවතක් ලෙසයි තුරග ක්‍රීඩා ලෝලින් වාර්තා කරන්නේ.
වෙළඹ සහභාගි වූ තරග 42කින් තරග 16ක් ජයග්‍රහනය කිරීමට සමත්ව තිබෙනවා.
2020 සහ 2021 වසරේ ඔස්ට්‍රේලියානු අශ්වයා ලෙසද නම් කර ඇති අතර මෙම වෙළඹ ක්‍රිස් වොලර් විසින් සිඩ්නි නුවරදී පුහුණු කර තිබෙන බව සඳහන්.
ඒ අනුව 2021 Melbourne Cup හි දී Verry Elleegant සමග ක්‍රීඩා කළ ජේම්ස් මැක්ඩොනල්ඩ් ජයග්‍රාහී අසරුවා බවට පත්වුනා.
වෙළඹ මේ වන විට ඩොලර් මිලියන 15ක මුල්‍යමය ත්‍යාග ද හිමිකරගෙන තිබෙන බව සඳහන්.
මෙල්බර්න් කුසලානය හැරුණු විට Verry Elleegant 2020 දී වික්ටෝරියා හි කෝල්ෆීල්ඩ් කුසලානය දිනා ගැනීමටද සමත් වුණා.
