පශ්චාත් හුදකලා යුගයේ දකුණු අප්රිකාවේ පළමු ක්රිකට් පුහුණුකරු වූ හිටපු තුන් ඉරියව් ක්රීඩකයෙකු වන මයික් ප්රොක්ටර් අභාවප්රාප්ත වී තිබෙනවා.
ග්ලූස්ටර්ෂයර් ප්රාන්ත කණ්ඩායමේ ප්රබලයෙකු වූ ප්රොක්ටර් මිය යන විට 77 හැවිරිදි වියේ පසු වුණා.
ප්රොක්ටර් වේග පන්දු යවන්නෙකු මෙන්ම වේගවත් පහර එල්ල කරන පිතිකරුවෙකු වූ අතර ඔහු ටෙස්ට් තරඟ හතකට ක්රීඩා කර තිබෙනවා.
දකුණු අප්රිකාවේ වර්ණභේදවාදය හේතුවෙන් ඔහුගේ ජාත්යන්තර වෘත්තීය ජීවිතය කලක් අඩාල වී තිබුණා.
1991 දී දකුණු අප්රිකාව ජාත්යන්තර ක්රිකට් වෙත නැවත පැමිණීමෙන් පසු ඔහු පුහුණුකරු ලෙස කණ්ඩායම මෙහෙයවූ අතර 1992 ඕස්ට්රේලියාවේ පැවති ලෝක කුසලානයේ අවසන් පූර්ව වටයට ද කණ්ඩායම රැගෙන ගියා.
1970 දී දකුණු අප්රිකාවේ පැවති ටෙස්ට් තරඟාවලියේදී ඔස්ට්රේලියාව 4-0ක් ලෙස පරාජයට පත් කළ කණ්ඩායමේ ඔහු ප්රබල සාමාජිකයෙක් වූණා.
හෘදයාබාධයකට ලක් කළ ක්රිකට් තරුව ශල්යකර්මයේදී ඇති වූ සංකූලතා හේතුවෙන් මිය ගිය බවයි පවුලේ ඥාතින් ප්රකාශ කර ඇත්තේ.