ඔස්ට්‍රේලියාවේ ඩොලර් 5 මුදල් ඒකකයට අදාළ නව මුදල් නොට්ටුවක් නිර්මාණය කිරීම සඳහා ඔස්ට්‍රේලියානුවන්ගෙන් අදහස් විමසීම ආරම්භ කර තිබෙනවා.
ඒ අනුව ෆෙඩරල් සංචිත බැංකුව සඳහන් කළේ මෙතෙක් එම ඒකකය සඳහා බ්‍රිතාන්‍ය රැජිනයේ මුහුණ පැවතියද ඇයගේ අභාවයෙන් පසු එය ප්‍රතිස්ථාපනය කිරීමට පියවර ගත් බවයි.
කෙසේ වෙතත් ඩොලර් 5 මුදල් නොට්ටුවේ පිටුපස පවතින කැන්බරා හි පාර්ලිමේන්තු මන්දිරය එළෙසම පවතිනු ඇතැයි සඳහන්.
නව ඩොලර් 5 මුදල් නෝට්ටුව සඳහා එක්විය යුතු ලාංඡනය කුමක් ද යන්න පිළිබඳ ඔස්ට්‍රේලියානුවන්ට තම අදහස් ලබා දීමට අවස්ථාව ලබන මස සිට හිමිවනු ඇති.
ඔස්ට්‍රේලියානු මුදල් නෝට්ටු මෙරට සංස්කෘතිය විදහා පාන සංඛේතයක් වන අතර ගෞරවාන්විත මුද්‍රාවක් ඒ සඳහා යෙදවිය යුතු බව ෆෙඩරල් සංචිත බැංකුව තවදුරටත් සඳහන් කර තිබුණා.
මේ සම්බන්ධයෙන් ස්වදේශීය ජනයාගෙන් අදහස් ලබා ගැනීම මේ වන විටත් ආරම්භ කර ඇති බව සඳහන්.
1992 වසරේ සිට අද දක්වාම ඔස්ට්‍රේලියානු ඩොලර් 5 මුදල් නෝට්ටුව සඳහා බ්‍රිතාන්‍ය රැජිනයේ රුව ඇතුලත්ව තිබුණා.
