ඔස්ට්‍රේලියාවේ 16 වැනි ධනවත්ම පුද්ගලයා වන ලැන්ග් වෝකර් මියගොස් තිබෙනවා.
දේපල වෙළදාම් අංශයේ තුළ ධනවත් ව්‍යාපාරිකයෙකු ලෙස වඩාත් ප්‍රසිද්ධ වෝකර් මිය යනවිට 78 වියෙහි පසුවුණා.
ඔහුගේ වත්කම ඩොලර් බිලියන 5.81ක් ලෙස සදහන්.
ඔස්ට්‍රේලියාවේ ප්‍රසිද්ධ ඉදිකිරීම් සමාගමක් වන වෝකර් සංස්ථාවේ සම නිර්මාතෘවරයා වන්නේ ද එහුයි.
වෝකර් සමාගම යටතේ දේපල ව්‍යාපෘති 1200කට අධික සංඛ්‍යාවක් මේ වන විට සිදු කර ඇති අතර සිඩ්නි සහ මෙල්බර්න් ඇතුළු ප්‍රධාන නගරවල ඔහු යටතේ වූ ඉදිවූ ඉදිකිරීම් රාශියක් පවතින බව සදහන්.
පසුගිය වසර 20ක කාලසීමාව තුළ වෝකර් සමාගම දේශපාලන පක්ෂ සඳහා ඩොලර් මිලියන 2.5 ක් පමණ මුදලක් පරිත්‍යාග කර තිබීමද විශේෂත්වයක්.
ඔහුගේ ඉදිකිරීම් අතර ඩොලර් බිලියන 3.5 ක වටිනාකමකින් යුත් සිඩ්නි හි පරමැට්ටා චතුරශ්‍රය හැදින්විය හැකි අතර ඩොලර් බිලියන 3ක වටිනාකමින් යුතු දකුණු ඔස්ට්‍රේලියානු කලාපයේ ඉදිවෙන නිවාස සංකීර්ණයද ඔහුගේ ව්‍යාපෘතියක් වනවා.
