සාමාන්‍ය වෛද්‍ය වෘත්තියට යොමු වන්නන් වෙනුවෙන් ඩොලර් හතළිස් දහසක දිරිගැන්වීමේ දීමනාවක් ලබාදීමට වික්ටෝරියා ප්‍රාන්තය තීරණය කර තිබෙනවා.
800 කට එය ලබා දීමයි සැලසුම.
හාරසිය දෙනකු මේ වසරේදී සම්බන්ධ කර ගන්නා අතර ඉතිරි හාරසියය ලබන වසරේදී බඳවා ගන්නා බවයි වික්ටෝරියා රජය පවසන්නේ.
සුදුසුකම් පරීක්ෂා කිරීමෙන් අනතුරුව සාමාන්‍ය වෛද්‍යවරුන් ලෙස ඔවුන් සේවයෙහි යෙදවීමයි අපේක්ෂාව වී තිබෙන්නේ.
වෛද්‍ය වෘත්තිය නිරත වීමට සූදානම් සිසුන්ගෙන් සියයට දහතුනක් පමණක් සාමාන්‍ය වෛද්‍යවරුන් වීමට කැමැත්ත පළ කරන අතර මෙම දීමනාව සමග බොහෝ පිරිසක් ඊට යොමු වනු ඇතැයි වික්ටෝරියා සෞඛ්‍ය අමාත්‍යවරිය විශ්වාසය පළ කර තිබෙනවා.
