මෙල්බන් හි නිවසක ඇති වූ ගින්නක් හේතුවෙන් එකම පවුලේ මව සහ කුඩා දියණියන් තිදෙනෙකු මිය යයි!
මෙල්බර්න් හි ග්ලෙන් වේවර්ලි ප්‍රදේශයේ පිහිටි තට්ටු නිවාසයක ඇති වූ මාරාන්තික ගින්නක් හේතුවෙන් එකම පවුලේ මවක් සහ දැරියන් තිදෙනෙකු මිය ගිය පුවතක් ඊයේ වාර්තා වුණා.
මෙය ඉරිදා(10/1) අලුයම 1.30 ට පමණ සිදු වූ බවයි සඳහන් වන්නේ.
අසල්වැසියන් මේ පිළිබඳ දුටු විගස ගිනි නිවීමේ හමුදාව අමතා ඇති අතර ඔවුන් පැමිණීමට ගත වී ඇත්තේ මිනිත්තු 6ක් වැනි කෙටි කාලයක් නමුත් පසුව ගින්න නිවා දැමීමට පැය හතරක් පමණ ගත වූ අතර, නිවස ඇතුළට ගිය පසු ගිනි නිවීමේ කාර්ය මණ්ඩලය විසින් මියගිය සිව්දෙනා සොයා ගන්නා ලදී.
සිද්ධියෙන් මිය ගොස් ඇත්තේ ජපන් පවුලක් වන අතර මියගිය දරුවන් තිදෙනා වයස අවුරුදු 3, 5 සහ 7 යන වයස්වල පසුවන බව වටහාගෙන ඇත.
මේ පිළිබඳව ආර්සන් ස්කොඩ් සහ වික්ටෝරියා පොලිස් රහස් පරීක්ෂකයින් තවදුරටත් පරීක්ෂණ පවත්වමින් සිටී.
ගින්න හටගන්නා විට නිවසේ සිටි 50 හැවිරිදි පුද්ගලයෙකු පැන යාමට සමත් විය. බරපතල තුවාල හේතුවෙන් ඔහුව රෝහලට ගෙන ගිය අතර දින කිහිපයක් යනතුරු ඔහුගෙන් ප්‍රශ්න කිරීම් සිදු කිරීමට නොහැකි බව පොලීසිය සඳහන් කරයි.
(7News)
