ඔස්ට්රේලියා මුහුදු සීමාවට නීති විරෝධීව ඇතුළුවූ ධීවරයන් තිස් දෙනෙකු අත්අඩංගුවට ගැනීමට ඔස්ට්රේලියා දේශ සීමා ආරක්ෂක අංශය සමත් වී තිබෙනවා.
අත්අඩංගුවට ගනු ලැබූ ධීවරයන් ඉන්දුනීසියා ජාතිකයන් බවයි සඳහන් වෙන්නේ.
පර්ත් ආශ්රිත අනවසර සංක්රමණිකයන් රඳවා ගැනීමේ මධ්යස්ථානය වෙත ඔවුන් රැගෙන ගිය බවද ඔස්ට්රේලියා දේශසීමා ආරක්ෂක අංශය පවසනවා.
සැකකරුවන්ට එරෙහිව ඉදිරියේදී නීතිමය ක්රියාමාර්ග ගැනීමට නියමිතයි.
ධීවර කටයුතු සඳහා ඉන්දුනීසියා ධීවරයන් පැමිණි යාත්රා තුනක්ද විනාශ කළ බවයි සඳහන් වන්නේ.
නීති විරෝධීව රැස් කරන ලද මුහුදු කැකිරි තොගයක් සහ ධීවර ආම්පන්නද අත්අඩංගුවට ගෙන තිබෙනවා.
වෙස්ටන් ඔස්ට්රේලියා හි කිම්බර්ලි වෙරළට ඔබ්බෙන් මෙහෙයුම සිදුකළ බවයි ඔස්ට්රේලියා දේශසීමා ආරක්ෂක අංශය පවසන්නේ.