වරක් භාවිත කර ඉවත් දමන දුම්පානය කරන උපකරණ හෙවත් වේප් තහනම් කිරීම රජයට අභියෝගාත්මක වනු ඇතැයි මත පල වෙනවා.
ජනතාවගේ යහපත් සෞඛ්‍ය තත්ත්වය කෙරෙහි අවධානය යොමු කරමින් ඊයේ සිට ඒවා තහනම් කිරීමට රජය තීරණය කළා.
එහෙත් නීති විරෝධී ලෙස රට තුළට වේප් රැගෙන එනු ඇතැයි මත පලව තිබෙනවා.
දේශසීමා ආරක්ෂක අංශයේ දුම්කොළ ආශ්‍රිත නිෂ්පාදන සම්බන්ධ පරීක්ෂණ ඒකකය ස්ථාපනයට මූලික වූ, හිටපු ෆෙඩරල් නිලධාරී රොහාන් පයික් කියාසිටින්නේ, වේප් භාවිතය අත්හිටුවීම සඳහා ඔස්ට්‍රේලියා දේශසීමා ආරක්ෂක අංශයට පැවරෙන කාර්යභාරය අතිශය වගකීම් සහගත බවයි.
නීති විරෝධී ලෙස දුම්පාන උපකරණ රටට ඇතුළු වීම වැළැක්වීම ඔවුන්ගේ ප්‍රමුඛ කාර්යභාරය බවයි ඔහු පෙන්වා දෙන්නේ.
