ලබන සතියේදී ඔස්ට්‍රේලියාව තුළ පොළී අනුපාතික ඉහළ දැමීමේ ෆෙඩරල් සංචිත බැංකු තීරණයට ජාත්‍යන්තර මූල්‍ය අරමුදල විසින් සහය පළකර තිබෙනවා.
2024 වසරේ ආර්ථික ඉලක්ක ජයගැනීමට එය ඉවහල් වන බවයි ඔවුන් පෙන්වා දී ඇත්තේ.
උද්ධමනය පාලනය සඳහා ඉදිරි මාසවලදීත් පොළී අනුපාතික ඉහළ දැමීමට සිදුවනු ඇති බවටද ජාත්‍යන්තර මූල්‍ය අරමුදල අනාවැකි පළකර තිබෙනවා.
මීළග පොළී අනුපාතික වෙනස පිළිබඳ තීරණයට ෆෙඩරල් සංචිත බැංකුව ලබන අගහරුවාදා දිනයේදී රැස්වීමට නියමිතයි.
ලෝක වෙළඳපොළේ බොරතෙල් මිළ ඉහළ යාම – උද්ධමනය වැඩිවීම ඇතුලු සාධක කිහිපයක් මත cash rate අගය ඉහළ දැමෙනු ඇති බවටයි අනාවැකි පළවන්නේ.
ඒ අනුව මෙම වසර තුළදී පොළී අනුපාතික අගය ඉහළ යන 05 වන අවස්ථාව මෙන්ම පසුගිය වසරේ මැයි මාසයේ සිට අගය වැඩි වූ 13 වන අවස්ථාව බවට එය පත්වනවා.
