Australia Post විසින් නිව් සවුත් වේල්ස් ප්‍රාන්තයේ තැපැල් කාර්යාල තුළ නව වෙළඳ සංකල්පයක් ආරම්භ කිරීමට පියවර ගෙන තිබෙනවා.
ඒ අනුව ඇඳුම්, ස්වර්ණාභරණ, ඉලෙක්ට්‍රොනික උපාංග මිළදී ගැනීමට මෙන්ම ඔන්ලයින් මිළදී ගැනීම් ආදියද සිදු කර ගැනීමට අවස්ථාව හිමිවනවා.
QR කේතයක් ස්කෑන් කර පාරිභෝගිකයින් හට තම සේවාව තෝරා ගෙන රැඳී සිටීමටත් තම වාරය පැමිණීමත් සමග කෙටි පණිවුඩයක් මගින් එය දැන ගැනීමේ අත්හදා බැලීමක් ද මෙහිදී ක්‍රියාත්මකයි.
මෙය ඩිජිටල් රැඳී සිටීමක් ලෙසයි Australia Post විසින් හඳුන්වා දී ඇත්තේ.
පාර්සල් බෙදා හැරීම ඉහළ අගයක පැවතියද ලිපි ලේඛණ හුවමාරුව අවම වීම මත පසුගිය වර්ෂය තුළ Australia Post ඩොලර් මිලියන 200 ක පාඩුවක් වාර්තා කලා.
නව වැඩපිලිවෙල යටතේ එම අලාභය පාලනය කිරීමට හැකිවනු ඇති බවටද විශ්වාසය පළ වනවා.
