ෆෙඩරල් සංචිත බැංකුවේ නව ප්රධානී මිචෙල් බුලොක් විසින් ප්රකාශයට පත්කරනු ලබන පළමු පොළී අනුපාතික තීරණය අද දිනයට යෙදී තිබෙනවා.
ජීවන වියදමත් සමග ඉහළ යන නිවාස මිල සමතුලිත කිරීම සම්බන්ධයෙන් එහිදී වැඩි අවධානයක් යොමු කරනු ඇති බවටයි වාර්තා පළ වන්නේ.
ජාතික නිවාස වටිනාකම් දර්ශකයට අනුව සැප්තැම්බර් මාසයේදී නිවාස වටිනාකම සියයට 0.8 කින් ඉහල ගොස් තිබෙනවා.
සිඩ්නි හි මේ වන විට නිවසක මධ්යයන මිල ඩොලර් මිලියන 1.1 ඉක්මවා ගොස් ඇති අතර මෙල්බන් හි ඩොලර් 776,000 සහ ඇඩිලේඩ්හි ඩොලර් 691,000 ඉක්මවා පවතිනවා.
මෙම තතත්වය නොවැම්බර් මස වන විට තවදුරටත් ඉහළ යා හැකි බවටයි අනාවැකි පළවන්නේ.
ඉහළ යන නිවාස මිලට සාපේක්ෂව පොලී අනුපාතිකය ද ඉහළ දැමෙනු ඇති බවටයි පුරෝකථනයක් සිදුකර ඇත්තේ.
උද්ධමනය හා නිවාස මිල ගණන් ඉහළ යැමත් සමග බැංකු පොලී අනුපාතිකයද ඉහළ දැමීමට සිදුවීම දැඩි පීඩනයක් බව ෆෙඩරල් සංචිත බැංකුව පවසනවා.
කෙසේ වෙතත් නව මහබැංකු අධිපති මිචෙල් බුලොක් සදහන් කර ඇත්තේ බැංකු පොලී අනුපාතිකය සමතුලිත මට්ටමකට ගෙන ඒම තම අරමුණ බවයි.