වික්ටෝරියා අගමැති ධුරයට පත්වීමෙන් පසු ජසින්ටා ඇලන් සහ අගමැති ඇන්තනී ඇල්බනීස් අතර පළමු වරට සාකච්ඡාවක් පවත්වා තිබෙනවා.
වික්ටෝරියානුවන් විසින් මේ වනවිට මුහුණදෙන ප්රධානතම ගැටලුව වන නිවාස අර්බුදය පිළිබඳ එහිදී වැඩි අවධානයක් යොමු කෙරුණු බවයි වාර්තා වන්නේ.
එමෙන්ම ප්රාදේශීය කලාප සංවර්ධනය පිළිබඳවද ඔවුන් දෙදෙනා අතර දීර්ඝව අදහස් හුවමාරු කරගෙන ඇති බව සඳහන්.
වික්ටෝරියා ප්රාන්තයේ සංවර්ධන කටයුතු වෙනුවෙන් ෆෙඩරල් රජය සමග සහයෝගයෙන් කටයුතු කිරීට සූදානම් බවයි ප්රාන්ත අගමැතිනිය විසින් ෆෙඩරල් රජයේ අගමැති ඇන්තනී ඇල්බනීස් වෙත දන්වා ඇත්තේ.
ජාතික කැබිනෙට්ටුවේදී සාමූහික තීන්දු තීරණ ගැනීම පිළිබඳවද දෙදෙනා අතර අදහස් හුවමාරු කරගෙන තිබෙනවා.