වික්ටෝරියා ප්රාන්තයේ නව කැබිනට් ඇමති මණ්ඩලය ඉදිරි දින 4 තුළදී ප්රකාශයට පත් කරන බව ප්රාන්ත නව අගමැතිනී ජසින්ටා ඇලන් පවසනවා.
නව අගමැතිනිය ලෙස ධූරයේ වැඩ ආරම්භ කිරිමත් සමග අමාත්ය විෂය පථ සම්බන්ධව ඇය විසින් මේ වනවිට අධ්යයනයක් ද ආරම්භ කර ඇති බව සඳහන්.
කෙසේවෙතත් භාණ්ඩාගාරික අමාත්යවරයා ලෙස ටිම් පලස් තවදුරටත් කටයුතු කරනු ඇති අතර එහි කිසිදු වෙනසක් සිදු නොවනු ඇති.
හිටපු අග්රාමාත්ය ඩැනියෙල් ඇන්ඩෲස් පාලන සමයේ දුන් මැතිවරණ පොරොන්දු තම රජය යටතේ ද වික්ටෝරියානුවන් වෙත ඉටු කරන බවටයි ජසින්ටා ඇලන් සහතික වන්නේ.
වික්ටෝරියා ඉදිකිරීම් ක්ෂේත්රය කෙරෙහි වැඩි අවධානයක් යොමු කරන බවටද ඇය සහතික වනවා.
ප්රධාන පෙළේ යටිතල පහසුකම් ව්යාපෘති වල පවතින අධික පිරිවැය පාලනය කරමින් ගුණාත්මක සේවා සැපයිම තම රජයේ අරමුණ බවද ජසින්ටා ඇලන් එහි දි සදහන් කළා.