නිව් සවුත් වේල්ස් ප්රාන්තයේ රූපවාහිනි හා චිත්රපට කර්මාන්තය සඳහා වෙන් කෙරෙන ඩොලර් මිලියන 60 ක ප්රතිපාදන කප්පාදු කිරීමට ගත් තීරණය හකුළාගෙන තිබෙනවා.
අදාළ මුදල් කප්පාදු කිරීමට යොජනා වී තිබුණේ පසුගිය සතියේ ඉදිරිපත් කෙරුණු අයවැය ලේඛණයේ යෝජනාවක් අනුවයි.
කෙසේවෙතත් විනෝදාස්වාදය සහ කලා නිර්මාණ වෙනුවෙන් ප්රතිපාදන කප්පාදු කිරීමෙන් චිත්රපට ඇතුලූ කලා ක්ශේත්රය කඩා වැටිය හැකි බවටයි නිර්මාණකරුවන් අනතුරු අගවා තිබුණේ.
මෙම කර්මාන්තවල නිරත විශාල පිරිසකගේ රැකියා අනාගතයද එමගින් අඳුරුවිය හැකි බවට මත පළවී තිබුණා.
චිත්රපට ක්ශේත්රයේ නියුතු සේවකයින් සදහා සියයට 10 ක බදු සහන දීමට ද මෙවර යෝජනා වී තිබූ නමුත් එය ප්රමාණවත් නොමැති බවටයි අදහස් පළවන්නේ.
මේ අතර තිර සහ ඩිජිටල් අංශයන්ගේ වර්ධනය සදහා නව වැඩපිලිවෙලක් අරම්භ කරන බව ද බලධාරීන් සදහන් කර තිබෙනවා.
සිනමා ඇතුලූ මාධ්ය ක්ශේත්ර මෙරට ආදායම් උපදවන ප්රධාන මාර්ගයක් වන අතර නව රැකියා දහස් ගනන් බිහිකිරීමට සමත් අංශයක් බැවින් එහි උන්නතිය වෙනුවෙන් කටයුතු කරන බවයි ඔවුන් කියාසිටියේ.