දීර්ඝ සති අන්තය සමග ප්‍රාන්ත කිහිපයක double demerit points නියම කිරීම අද සිට

දීර්ඝ සති අන්තයක් එළැඹීමත් සමග ප්‍රාන්ත කිහිපයක double demerit points හෙවත් ද්විත්ව අප්‍රසාද ළකුණු නියම කිරීම අද සිට බලාත්මක වනවා.

ලබන සඳුදාට යෙදී ඇති කම්කරු දින නිවාඩුවයි මීට ප්‍රධාන වශයෙන් බලපා ඇත්තේ.

නිවු සවුත් වේල්ස් සහ ACT ප්‍රාන්තවල ඊයේ මධ්‍යම රාත්‍රී 12 සිට ලබන සඳුදා මධ්‍යම රාත්‍රිය තෙක් අධික වේගයෙන් රිය පැදවීම – රිය ධාවනයේදී ජංගම දුරකථන භාවිතය සහ ආසන පටි නොපැළඳීම යන රථවාහන වැරදි සඳහා double demerit points නියම කෙරෙනු ඇති.

ක්වීන්ස්ලනඩ් ප්‍රාන්තයේදීත් double demerit points නියම කිරීම බලාත්මක වන නමුත් ගතවූ මාස 12 ක කාලය තුළ එම වරදම සිදුකර ඇති රියදුරන් සඳහා පමණක් එය නියම කිරීම සිදුවනවා.

බටහිර ඔස්ට්‍රේලියාවේ මෙම සති අන්තය දීර්ඝ සති අන්තයක් ලෙස අනුගමනය නොකෙරෙන බැවින් double demerit points නියම කිරීමක් සිදුවන්නේ නැහැ.

වික්ටෝරියා – දකුණු ඔස්ට්‍රේලියා – ටස්මේනියා සහ Northern Territory ප්‍රාන්තවල double demerit points ක්‍රමයක් බලාත්මක නොවන බැවින් රථවාහන වැරදි සඳහා සාමාන්‍ය පරිදි දඩ නියම කිරීමට නියමිතයි.