ගණූදෙනුකරුවන්ට අසත්‍ය පැවසීමේ චෝදනා මත ANZ බැංකුවට ඩොලර් මිලියන 15 ක දඩයක් පණවා තිබෙනවා.
ක්‍රෙඩිට් කාඩ්වල ඇති සැබෑ ශේෂයට වඩා වැඩි මුදලක් පවතින බව දක්වමින් ඉහළ සේවා ගාස්තු අයකල බවටයි සුරැකුම් සහ ආයෝජන කොමිසම විසින් මෙම නඩුව පවරා තිබුණේ.
2016 වසරේ මැයි මාසයේ සිට 2021 වසරේ සැප්තැම්බර් දක්වා කාලය තුළ මෙලෙස අයථා අන්දමින් සේවා ගාස්තු අයකරගෙන ඇති බවටයි ANZ බැංකුවට චෝදනා එල්ල වන්නේ.
ගිණුම් හිමියන් 185,000 කට පමණ ඔවුන් විසින් වැරදියට අය කර තිබූ ඩොලර් මිලියන 8.6 ක මුදලක් ආපසු ගෙවා තිබූ බවද අධිකරණයේදී අනාවරණය වුණා.
අනෙකුත් ගණුදෙනුකරුවන්ටද ඉදිරියේදී මුදල් ආපසු බැර කරන බවටත් ANZ බැංකුව විසින් අධිකරණයේදී පොරොන්දුවක් ලබාදෙනු ලැබුවා.
කෙසේවෙතත් අධිකරණය විසින් ANZ බැංකුවට දෝෂාරෝපණය කර ඇත්තේ මෙම සිදුවීම හඳුනාගෙන වසර කිහිපයක් ගතවී ඇතත් මෙතෙක් එය නිවැරදි කිරීමට පියවර ගෙන නොමැති බවටයි.
