වික්ටෝරියා ප්රාන්ත අගමැති ධුරයෙන් ඉල්ලා අස්වීමට ඩැනියල් ඇන්ඩෲස් තීරණය කර තිබෙනවා.
ඒ අනුව හෙට පස්වරු 05 සිට බලාත්මක වන පරිදි ප්රාන්ත නායකත්වයෙන් මෙන්ම ප්රාන්ත පාර්ලිමේන්තුවෙන්ද ඉල්ලා අස්වන බවයි ඔහු නිවේදනය කලේ.
පසුගිය වසර 09 ක් පුරා වික්ටෝරියා හි අගමැති ධුරයේ කටයුතු කල ඩැනියල් ඇන්ඩෲස් අවස්ථා 02 කදී වික්ටෝරියා ලේබර් පක්ෂය ජයග්රහණය කරා මෙහෙයවනු ලැබුවා.
ඔහු පළමු වරට වික්ටෝරියා පාර්ලිමේන්තුවට තේරී පත්වූයේ 2002 වසරේදීයි.
ප්රාන්ත අගමැතිවරයා ලෙස සිය සේවය උපරිමයෙන් ඉටු කල බවත් ඉවත්වීමට සුදුසුම කාලය පැමිණ ඇති බවත් ඔහු අද පැවති විශේෂ මාධ්ය හමුවකදී කියාසිටියා.
ධුරයෙන් ඉවත්වීමෙන් පසු පවුලේ සාමාජිකයන් සමග වැඩි වශයෙන් කාලය ගත කිරීමට බලාපොරොත්තු වන බවයි ඩැනියල් ඇන්ඩෲස් අවධාරණය කලේ.