කොවිඩ් වසංගත සමයේදී සේවකයින් විශාල පිරිසක් ඉවත් කිරීමට එවක පැවති පාලනාධිකාරිය පියවර ගැනීම සම්බන්ධයෙන් ක්වන්ටාස් හි නව ප්රධාන විධායක නිලධාරී වැනේසා හඩ්සන් අගතියට පත් සේවකයින්ගෙන් සමාව ඉල්ලා තිබෙනවා.
ගමන් මලු හසුරුවන්නන් ඇතුලු විශාල පිරිසක් ඉවත් කිරීම නීති විරෝධි බවටයි මහාධිකරණය විසින් දින කිහිපයකට ඉහතදී නියෝග කරනු ලැබුවේ.
සේවකයින් 1700 ක් මෙලෙස නීතී විරෝධී ලෙස සේවයෙන් පහ කර ඇති බව තහවුරු වි තිබෙනවා.
නව ප්රධාන විධායක නිලධාරී ලෙස තමන් ක්වන්ටාස් සමාගමේ කීර්තිනාමය රැකගැනීම වෙනුවෙන් කටයුතු කරන බවයි වැනේසා හඩ්සන් සදහන් කළේ.
සේවකයින්ට සිදුවූ අපහසුතා සම්බන්ධයෙන් තමන් දැඩි කණගාටුවට පත්වන අතර ක්වන්ටාස් සමාගමේ නව පෙරළියක් ඇති කිරීම අපේක්ෂාව බවද ඇය අවධාරණය කලා.