එළඹෙන උත්සව සමය හා සමගාමීව විදේශ සංචාර සදහා සූදානම් වන සංචාරකයින් සදහා අනතුරු ඇගවීමක් කර තිබෙනවා.
ඉහළ ඉල්ලූම මත ගුවන් ගමන් ආසන වෙන කර ගැනීමට පවතින තදබදය සහ ප්‍රවේශපත්‍රවල අධික ගාස්තු ඊට හේතුවයි.
ඒ අනුව ආසන ඉතිරිව පැවතීමේ හැකියාව සියයට 25 කින් අඩුවී ඇති බවයි වාර්තා වන්නේ.
විශේෂයෙන් යුරෝපය සහ උතුරු ඇමරිකානු සංචාර සදහා ගුවන් ආසන වෙන් කර ගැනීමට පවතින්නේ දැඩි අසීරු තත්වයක් බව සඳහන්.
එමිරේට්ස් වැනි මැද පෙරදිග ගුවන් සේවා තවමත් ක්‍රියාත්මක වන්නේ කොවිඩ් සමයට පෙර පැවති තත්වයට වඩා සියයට 30 කින් පමණ අඩු ධාරිතාවයකින් වීම මීට මූලික හේතුවයි.
සිඩ්නි – ලන්ඩන් ආපසු ගුවන් ගමනක මේ වනවිට සාමාන්‍ය ප්‍රවේශපත්‍ර ගාස්තුව ඩොලර් 3,200 ත් 4,000 ත් අතර පවතිනවා.
