NSW අයවැයේ වැඩිම ජය ගුරු සහ හෙද ක්ෂේත්‍රවලට – රියදුරන්ටත් අලුතින් නීති

2023-24 වසර සඳහා වන නිවු සවුත් වේල්ස් ප්‍රාන්ත රජයේ අයවැය ලේඛණය අද ප්‍රාන්ත පාර්ලිමේන්තුවට ඉදිරිපත් කෙරුණා.

එහි ප්‍රධානම ජයග්‍රාහකයන් බවට ගුරුවරුන් පත්වී ඇත්තේ සියයට 12 ක වැටුප් වැඩිවීමක්ද හිමි කර ගනිමිනුයි.

ඒ අනුව කණිෂ්ඨ ගුරුවරුන් සඳහා මෙතෙක් පැවති ඩොලර් 75,791 ක වාර්ෂික වැටුප ඩොලර් 85,000 දක්වා ඉහළ යනු ඇති.

ගුරුවරුන් 10,000 ක් සහ පරිපාලන කාර්ය මණ්ඩලයේ 6,000 ක් ස්ථිර කිරීමටද මෙවර අයවැයෙන් යෝජනා කෙරුණා.

සෞඛ්‍ය සේවකයන් වෙනුවෙන්ද මෙවර නිවු සවුත් වේල්ස් අයවැයෙන් ඉහළ මුදලක් වෙන් කර තිබෙනවා.

ඒ අනුව අලුතින් හෙදියන් 1,200 ක් සහ ප්‍රාදේශීය කලාප සඳහා වෛද්‍ය සහයක කාර්ය මණ්ඩල සාමාජිකයන් 500 ක් බඳවා ගැනෙනු ඇති.

හෙද සහ වෛද්‍ය අධ්‍යාපනය හදාරන සිසුන් 12,000 ක් රැකියා සඳහා බඳවා ගැනීමට ප්‍රතිපාදන ද මෙවර අයවැයට ඇතුළත් කර තිබෙනවා.

සියලුම සෞඛ්‍ය සේවකයන්ට සියයට 4.5 ක වැටුප් වැඩිවීමක්ද මෙවර අයවැයට ඇතුළත් ප්‍රධාන යෝජනාවක්.

අවුරුදු 03 ත් 05 ත් අතර දරුවන් සිටින දෙමව්පියන් සඳහා පෙර පාසල් අධ්‍යාපනය සහ child care ගාස්තු සහන මාලාවක්ද නිවු සවුත් වේල්ස් අයවැයට අන්තර්ගතයි.

පසුගිය ප්‍රාන්ත මැතිවරණයේදී ලබාදුන් ඩොලර් 60 ක උපරිම මාර්ග ගාස්තු යෝජනාව ලබන වසරේ ජනවාරි පළමුවනදා සිට ක්‍රියාත්මක කිරීමට නියමිතයි.

එමෙන්ම වේග සීමා ඉක්මවා ඉක්මවා ධාවනය කරන රියදුරන්ගෙන් අය කෙරෙන දඩ මුදල් ආදායම අඩු කර ගැනීමට යෝජනා කර තිබීමද විශේෂත්වයක්.

දැනට ක්‍රියාත්මක වේග සීමා කැමරා ඉදිරි වසර 04 තුළදී සමස්ත ප්‍රාන්තය පුරා ව්‍යාප්ත කිරීමට සැළසුම් කර තිබීම ඊට හේතුවයි.

ඔස්ට්‍රේලියානුවන්ට පීඩා ගෙන දුන් රෝගයක් කලින්ම හඳූනා ගන්න පර්යේෂණයක් සාර්ථකයි

සාමාන්‍ය රුධිර පරීක්‍ෂණයක් මගින් පාකින්සන් රෝගය වසර හතකට පෙර හඳුනා ගත හැකි බවට නව පරීක්ෂණයක් මගින් තහවුරු කරගෙන තිබෙනවා.

Read More »

සැක කටයුතු මෝටර් රථයක් සහ ගිනි අවියක් නිසා මෙල්බන් CBD අවට ආරක්ෂාව තර කෙරේ

මෙල්බර්න් හි CBD හි Collins St හි නතර කර තිබූ මෝටර් රථයකින් ගිනි අවියක් සොයා ගැනීමේ සිද්ධියක් හමුවේ ප්‍රදේශයේ ආරක්ෂාව තර කර තිබෙනවා.

Read More »

Second Hand භාණ්ඩ නිසා NSW ප්‍රාන්තයේ වෙනසක්

නිව් සවුත්වේල්ස් ප්‍රාන්තයේ පදිංචිකරුවන් පාවිච්චි කරන ලද භාණ්ඩ වැඩි වශයෙන් මිලදී ගැනීම හේතුවෙන් සැලකිය යුතු අපද්‍රව්‍ය සහ හරිතාගාර වායු ප්‍රමාණයක් අඩු කිරීමට උපකාරී වී ඇතැයි නව සමීක්ෂණ මගින් හෙළිවී තිබෙනවා.

Read More »