ඔලිම්පික් තරගාවලිය සඳහා මැටිල්ඩාස් හෙවත් ඔස්ටේ්‍රලියානු කාන්තා පාපන්දු කණ්ඩායම සුදුසුකම් ලැබීමේ තරගය පැවැත්වීමට නියමිත ක්‍රීඩාංගණය වෙනස් කර තිබෙනවා.
ඉහළ ප්‍රේක්ෂක ඉල්ලූම හේතුවෙන් මූලික වටයේ තරගය පර්ත් හි ඔප්ටස් ක්‍රීඩාංගණය වෙත මාරු කිරීමටයි පියවර ගෙන ඇත්තේ.
ලබන වසරේ පැවැත්වීමට නියමිත ඔලිම්පික් තරගාවලිය සඳහා සුදුසුකම් ලැබීමේ තරග එළඹෙන ඔක්තෝබර් 26 වනදා සිට ඔප්ටස් ක්‍රීඩාංගණයේ දී පැවැත්වීමට නියමිතයි.
තරගාවලිය නැරඹීම සදහා 50,000 කට අධික පිරිසක් සහභාගී වනු ඇති බවට අපේක්ෂා කර ඔවුන්ට පහසුකම් සැපයීමේ අරමුණින් ක්‍රීඩාංගණය මාරු කිරීමටයි ක්‍රීඩා බලධාරීන් එකගතාවට පැමිණ ඇත්තේ.
මැටිල්ඩාස් කණ්ඩායම ඔක්තෝබර් 26 වනදා ඉරානයට එරෙහිවත් – ඔක්තෝබර් 29 වැනිදා පිලිපීනයට සහ නොවැම්බර් 1 වැනි දින තායිවානයට එරෙහිව තරග වැදීමට සැළසුම් කර තිබෙනවා.
පසුගිය ලෝක කුසලාන කාක්තා පාපන්දු තරගාවලියේ අයර්ලන්තයට එරෙහි තරගයේ දී ද මෙලෙස ඉහළ ප්‍රේක්ෂක ඉල්ලූම මත ක්‍රීඩාංගනය මාරු කර තිබුණා.
