ගල් අගුරු බලාගාර වෙනුවට න්‍යාෂ්ටික බලාගාර ප්‍රතිස්ථාපනය කිරීම සදහා ඩොලර් බිලියන 387 ක අමතර මුදලක් වැය වන බවට ෆෙඩරල් රජය විසින් තක්සේරු කර තිබෙනවා.
බලශක්ති අමාත්‍ය ක්‍රිස් බෝවන් පෙන්වා දෙන්නේ ස්වභාවික බලශක්ති ප්‍රභවයන්ට සාපේක්ෂ න්‍යාෂ්ටික බලාගාර වෙත ඉහළ පිරිවැයක් යෙදවීමට සිදු වනු ඇති බවයි.
මෙම යෝජනාවට පක්ෂ මතධාරීන් පෙන්වා දෙන්නේ තාප විමෝචනය අවම කිරිම සදහා න්‍යාෂ්යික බලාගාර පිහිටුවීම වඩාත් සුදුසු බවයි.
ඔස්ටේ්‍රලියාව තුල ක්ෂය වෙමින් පවතින ගල් අගුරු නිධි සඳහා විකල්ප ලෙස අවම වශයෙන් කුඩා ප්‍රමාණයේ න්‍යෂ්ඨික බලාගාර 71 ක් පිහිටුවිය යුතු බවයි බලශක්ති අමාත්‍යවරයා තවදුරටත් පෙන්වා දෙන්නේ.
බලශක්ති වෙළඳපොළ යාවත්කාලීන කිරීම සදහා වැය වන පිරිවැය මේ දිනවල ඇස්තමේන්තු කිරිමට පියවර ගෙන තිබෙනවා.
මේ සම්බන්ධ පණත් කෙටුම්පත් එළඹෙන අයවැය සදහා ඉදිරිපත් කිරීමට නියමිතයි.
නිසි ප්‍රතිපත්තියකින් යුතු තාප විමෝචනය අවම වන පරිදි බලශක්ති මිල පාලනය කිරීමේ අරමුණින් න්‍යාෂ්ටික බලශක්ති ප්‍රභව වෙත මාරුවීම අවශ්‍ය බව ද විපක්ෂය අවධාරණය කරනවා.
මේ වන විට බලශක්තිය සඳහා න්‍යෂ්ටික තාක්‍ෂණය භාවිතා කරන රටවල් ගණන 50 ඉක්මවා තිබෙනවා.
