සිඩ්නි නගරයේ වායු දූෂණ මට්ටම අයහපත් තත්වයක පැවතියද ලබන ඉරිදා පැවැත්වෙන මැරතන් තරගාවලිය නියමිත ආකාරයෙන් පවත්වන බවට සංවිධායකයන් සහතික වනවා.
තරගකරුවන්ගේ සෞඛ්‍යාරක්ෂාව වෙනුවෙන් විධිවිධාන රැසක් ක්‍රියාවට නංවන බවටයි ඔවුන් ප්‍රතිඥා දී ඇත්තේ.
ලැව් ගිනි අවධානම අඩු කිරීම සඳහා පූර්ව සැළසුමක් ලෙස ආපදා අංශ විසින් සිදුකරන ලද ගිණි තැබීම් හේතුවෙන් දින කිහිපයක සිට සිඩ්නි නගරයේ පවතින්නේ දැඩ දුමාරයකුයි.
ඇදුම ඇතුලු ශ්වසන ආබාධවලින් පෙළෙන්නන් – වයෝවෘද්ධ ජනතාව ඇතුලු අවධානම් කාණ්ඩවල පුද්ගලයන්ට හැකිතාක් නිවෙස්වලට වී සටින ලෙසයි ඒ අනුව උපදෙස් දී ඇත්තේ.
කෙසේවෙතත් සිඩ්නි මැරතන් තරගාවලිය වැනි ලෝක ප්‍රසිද්ධ ඉසව්වක් අවලංගු කල නොහැකි බවත් කිසිවෙකුට ජීවිත අවධානමක් නොවන පරිදි තරගාවලිය පවත්වන බවටත් සංවිධායකයන් සහතික වි තිබෙනවා.
