ගුවන් මගීන්ගේ ගමන් මලු සඳහා tracking පහසුකම ලබාදෙන පළමු ඔස්ට්‍රේලියානු ගුවන් සේවය බවට වර්ජින් ඔස්ට්‍රේලියා ගුවන් සේවය පත්වී තිබෙනවා.
ඒ අනුව හෙට සිට සිය අභ්‍යන්තර ගුවන් ගමන්වලින් 2/3 කට වැඩි සංඛ්‍යාවක ගමන් ගන්නා මගීන්ට නව ඇප්ලිකේෂනයක් හරහා මෙම පහසුකම ලබාගත හැකියි.
වසර 02 කට ආසන්න කාලයක් පුරා මෙම ක්‍රමවේදය සකස් කෙරුණු අතර පසුගිය මැයි මාසයේදී එය සාර්ථකව අත්හදා බලනු ලැබුවා.
කිසියම් මගියෙකු ගුවන් ගමනක් අවසානයේ ගුවන් තොටුපළකට පැමිණි විට සිය ගමන් මලු ආරක්ෂිතව පැමිණ ඇතිදැයි දුරකථනයට පණිවුඩයක් ලෙස ලබාදීම මෙහිදී සිදුවනවා.
ගුවන් මගී ගමන් මලු අස්ථානගත වීම මේ වනවිට ප්‍රබල ගැටලුවක් බවට පත්ව ඇති අතර Apple Air tag උපාංග භාවිතයද මේ වනවිට ජනප්‍රිය වී තිබෙනවා.
නවසීලන්ත ගුවන් සේවයද මේ වනවිට ඊට සමාන තාක්ෂණික ක්‍රමවේදයක් ක්‍රියාත්මක කරනු ලබන අතර ක්වන්ටාස් ගුවන් සේවයද වසර අවසානයේ එවැනි ක්‍රමයක් හඳුන්වාදීමට නියමිතයි.
