පසුගිය ඉරිදා සිඩ්නි හිදී පැවැති කාන්තා ලෝක පාපන්දු කුසලානය ජයගැනීමෙන් පසු ස්පාඤ්ඤ කණ්ඩායමේ ක්‍රීඩිකාවකට හාදුවක් දීමේ චෝදනාවට එරට පාපන්දු සම්මේලන ප්‍රධානී ලුයිස් රුබියාලෙස් ට තහනමක් පණවා තිබෙනවා.
ෆීෆා හෙවත් ජගත් පාපන්දු සම්මේලනය විසින් පණවන ලද මෙම තහනම අනුව දින 90 ක කාලයක් යනතුරු පාපන්දු ක්‍රීඩාවට සම්බන්ධ කිසිවකට සහභාගීවීමට ඔහුට හැකියාව ලැබෙන්නේ නැහැ.
රුබියාලෙස් ට එරෙහිව විනය පරීක්ෂණයක්ද පැවැත්වෙන අතර එය අවසන්වීමෙන් පසු ඔහු සම්බන්ධයෙන් අවසාන නිගමනයකට එළැඹීමට නියමිතයි.
ප්‍රසිද්ධියේ සිදුකල අදාළ ක්‍රියාවත් සමග ධුරයෙන් ඉල්ලා අස්වන ලෙස ස්පා්ඤඤ රජය – පාපන්දු බළධාරීන් මෙන්ම ක්‍රීඩක ක්‍රීඩිකාවන් රැසක් දිගින් දිගටම ඔහුට බලපෑම් එල්ලකලා.
කෙසේවෙතත් තමන් කිසිදු නීති කඩකිරීමක් කර නොමැති බවටයි ස්පාඤ්ඤ පාපන්දු සම්මේලන ප්‍රධානී ලුයිස් රුබියාලෙස් අවධාරණය කලේ.
