අළෙවිය පහත වැටීම හේතුවෙන් ඔස්ට්රේලියාව ඇතුලූ රටවල් කිහිපයක ක්රියාත්මක ඩොමිනෝස් පීසා අවන්හල් ජාලයේ රැකියා කප්පාදුවක් සිදු කිරීමට එහි බලධාරීන් පියවර ගෙන තිබෙනවා.
ඒ අනුව රැකියා 200 ක් පමණ අහිමි වනු ඇති බවයි වාර්තා වන්නේ.
ගතවූ මාස 12 තුළදී ලොව පුරා නව අලෙවි සැල් 395 ක් විවෘත කිරීම හමුවේ පෙර වසරට වඩා සියට 2.2 කින් පමණ ඩොමිනෝස් පීසා අලෙවිය ඉහළ ගොස් තිබෙනව.
එහෙත් පීසා මිළ ඉහළ යෑම, බෙදා හැරීමේ ගාස්තු වැඩි අගයක් ගැනීම වැනි කරුණු මත ඔවුන්ගේ ලාභය අඩුවී තිබෙනවා.
මේ වන විට ඩෙන්මාර්කයේ සියලූම ඩොමිනෝස් පීසා අවන්හල් වසා දමා ඇති අතර තවත් රටවල් කිහිපයක අවන්හල් කිසියම් ප්රමාණයක් වසා දැමීමටයි නියමිතව ඇත්තේ.
මේ හරහා 2023-2024 මූල්ය වර්ෂයේදී ඔවුන් ඉතිරි කර ගැනීමට අපේක්ෂා කරන මුදල ඩොලර් මිලියන 50 ත් 60 ත් අතර වනවා.