ඇඩිලේඩ් ළමා රෝහල්වල සිදු කළ ශ්‍රවණාධාර සවිකිරීමකදී අගතියට පත් ළමුන් සඳහා වන්දි මුදල් ලබා දීමට දකුණු ඔස්ට්‍රේලියා රජය පියවර ගෙන තිබෙනවා.
වසර 17 කට පසු සිදු කල සමාලෝචනයකදී පෙනී ගොස් ඇත්තේ 2006 වසරේ සිට කොක්ලියර් නම් මෙම ශ්‍රවණාධාර සවි කල ළමුන් 208 දෙනෙකුට පමණ එමගින් අහිතකර ප්‍රථිඵල උදාවී ඇති බවයි.
එහිදී බරපතල සංකූලතා ඇති වු 30 දෙනෙකුට ඩොලර් 50,000 ක වන්දියක් බැගින්ද අනෙක් පිරිසට ඩොලර් 5,000 බැගින්ද වන්දි ලබාදීමටයි අනුමැතිය ලැබී ඇත්තේ.
නිසි අධ්‍යයනයකින් තොරව ළමුන් සදහා ශ්‍රවණාධාර සවිකිරීම මගින් ඔවුනට පැවති ආබාධ තවදුරටත් වර්ධනය වී අතුරු ප්‍රතිඵල රැසකටද දරුවන් මුහුණ පා තිබෙන බවට මෙහිදී සොයාගෙන තිබෙනවා.
රෝහල් ක්‍රියාමාර්ග, ප්‍රතිපත්තිමය ගැටලූ සහ සායනික පුහුණුවල පවතින අඩුපාඩුකම් මෙම තත්වය වර්ධනය වීමට හේතුවී වී ඇති බවයි වාර්තා වන්නේ.
මෙවැනි සිදුවීමක් ඉදිරියේදී නැවතත් ඇතිවීම වළක්වාලීම සඳහා රෝහල් පද්ධතිය තුළ නිසි පුහුණුවක් සහ නිසි තාක්ෂණික පියවර අනුගමනය කරන බවට දකුණු ඔස්ට්‍රේලියානු රෝහල් බලධාරීන් සහතික වනවා.
එසේම නව දරු උපත් සඳහා ශ්‍රවණ උපකරණ සවි කිරීම වෙනුවෙන් ඩොලර් මිලියන 1.3 ක මුදලක් වෙන් කිරීමටයි ප්‍රාන්ත රජය පියවර ගෙන ඇත්තේ.
