ඩොලර් මිලියනයක ලොතරැයි ජයග්‍රහණයකට අදාල ත්‍යාග මුදල වසර 02 කට පසුව ලබාගත් කාන්තාවක පිළිබඳ පුවතක් නිවු සවුත් වේල්ස් ප්‍රාන්තයෙන් වාර්තා වනවා.
2021 වසරේ ජූලි 12 වනදා ඇය විසින් division 01 කාණ්ඩයට අයත් මෙම ජය අත්කරගෙන තිබුණා.
එය ලියාපදිංචි නොකල එකක් බැවින් ලොතරැයි බළධාරීන්ට මෙම කාන්තාව සම්බන්ධ කරගැනීමට අසීරුව පැවති බව සඳහන්.
අහඹු ලෙස මෙම ලොතරැයිය පිළිබඳ මතකයට පැමිණීමත් සමග එහි දිනුම් අංක විමසා තමන්ට ඩොලර් ලක්ෂ 10 ක ත්‍යාගයක් හිමි බව දැනගත් බව නිවු සවුත් වේල්ස් පදිංචි මෙම තැනැත්තිය පවසා තිබෙනවා.
ඔස්ට්‍රේලියානු ලොතරැයි බළධාරීන්ට අනුව මෙතෙක් දිනුම් අදින ලද ලොතරැයිවල division 01 ජයග්‍රාහකයන් 22 දෙනෙකු ත්‍යාග මුදල් ලබාගැනීමට කටයුතු කර නැහැ.
ඉන් 12 දෙනෙකු නිවු සවුත් වේල්ස් ප්‍රාන්තයේ වන අතර – 09 දෙනෙකු ක්වීන්ස්ලන්ඩ් සහ එක් අයෙකු වික්ටෝරියා ප්‍රාන්තයෙනුයි.
ලොතරැයි ත්‍යාග මුදල් ලබාගත යුතු කාලසීමා සම්බන්ධයෙන්ද එක් එක් ප්‍රාන්තය තුළ නීති බලාත්මක වනුයේ විවිධාකාරයෙනුයි.
නිවු සවුත් වේල්ස් ප්‍රාන්තයේ ඒ සඳහා වසර 06 ක උපරිම කාලයක් පැවතියද වික්ටෝරියා හි පවතින්නේ මාස 06 ක කාලයක් පමණයි.
