ඔස්ට්‍රේලියාවේ මෙතෙක් වටලන ලද විශාලතම නීති විරෝධී e-දුම්වැටි තොගය පර්ත් නගරයේ ගබඩාවකින් වටලා තිබෙනවා.
ටොන් 15 කට ආසන්න බරකින් යුත් එහි e-දුම්වැටි 300,000 කට ආසන්න ප්‍රමාණයක් තිබී ඇති අතර වටිනාකම ඩොලර් මිලියන 10 කට අධිකයි.
මින් බහුතරයක නිකොටීන් අඩංගු බවටයි සැක කෙරෙන්නේ.
ඔස්ට්‍රේලියානු නීතියට අනුව ඉලෙක්ට්‍රොනික දුම්වැටිවල නිකොටීන් අඩංගු කිරීම නීති විරොධී වනවා.
කිසියම් අයුරකින් මෙම e-දුම්වැටි ලක්ෂ 03 ක තොගය වෙළඳසැල් වෙත පැමිණියේ නම් විශාල පිරිසක් සෞඛ්‍ය අවධානමකට ලක්වන්නට ඉඩ තිබූ බවටයි අනාවැකි පළවන්නේ.
