ලබන ඉරිදා පැවැත්වෙන ලෝක කුසලාන කාන්තා පාපන්දු අවසාන මහා තරගයේදී මැටිල්ඩාස් හෙවත් ඔස්ට්‍රේලියානු කාන්තා පාපන්දු කණ්ඩායම ජයගතහොත් සිඩින් නගරයේ දැවැන්ත පෙළපාලියක් පැවැත්වීමට සැළසුම් කර තිබෙනවා.
නිවු සවුත් වේල්ස් ප්‍රාන්ත අගමැති ක්‍රිස් මින්ස් සඳහන් කලේ ඒ අනුව ලබන සතියේ සඳුදා හැර වෙනත් දිනයකදී මුලු ප්‍රාන්තයටම නිවාඩු දිනයක් ලෙස ප්‍රකාශයට පත් කරන බවයි.
එම දිනය පුරා සිඩ්නි නාගරික කලාපය ආවරණය වන පරිදි විවිධ සැමරුම් ගණනාවක් සංවිධාන කෙරෙනු ඇති බවද ප්‍රාන්ත අගමැතිවරයා කියාසිටියා.
කෙසේවෙතත් නිවාඩු දිනයක් ප්‍රකාශයට පත් කිරීමෙන් ආර්ථිකයට කිසියම් බලපෑමක් එල්ලවීම බැහැර කල නොහැකි බවටත් නිවු සවුත් වේල්ස් අගමැති ක්‍රිස් මින්ස් අවධාරණය කරනවා.
ලෝක කුසලාන කාන්තා පාපන්දු තරගාවලියේ පළමු අවසන් පූර්ව තරගය ස්පාඤ්ඤය සහ ස්වීඩනය අතර හෙට දිනයේදීත් දෙවන අවසන් පූර්ව තරගය ඔස්ට්‍රේලියාව සහ එංගලන්තය අතර අනිද්දා දිනයේදීත් පැවැත්වීමට නියමිතයි.
