හිටපු අගමැති ස්කොට් මොරිසන් විසින් රහසිගතව සිදුකල ඇමති මණ්ඩල පත් කිරීම් අභියෝගයට ලක් කල ඇෆ්ඝන් ජාතිකයෙකු ඔස්ට්‍රේලියාවෙන් පිටුවහල් කිරීමට නියෝග කර තිබෙනවා.
එවක ස්වදේශ කටයුතු ඇමතිනී කැරන් ඇන්ඩෲස් විසින් 2021 වසරේදී සිය වීසා බලපත්‍රය අහෝසි කල බවටයි මෙම තැනැත්තා විසින් ෆෙඩරල් අධිකරණයක් හමුවේ ගොණු කරනු ලැබු පෙත්සමක දැක්වෙන්නේ.
කෙසේවෙතත් එවක අගමැති ස්කොට් මොරිසන් විසින් ඒ වනවිටත් රහසිගතව ස්වදේශ කටයුතු ඇමති ධුරයේ දිවුරුම් දී තිබූ බැවින් තම වීසා බලපත්‍රය සම්බන්ධයෙන් තීරණයක් ගැනීමට කැරන් ඇන්ඩෲස්ට කිසිදු බලයක් නොමැති බවට මෙම පුද්ගලයා විසින් තර්ක කර සිටියා.
එහෙත් ඔහුගේ තර්කය අධිකරණය විසින් අද ප්‍රතික්ෂේප කරනු ලැබීමත් සමග මෙම පුද්ගලයා රටින් පිටුවහල් වීමේ අවධානමකට මුහුණ පා සිටිනවා.
හිටපු අගමැති මොරිසන් විසින් රහසිගතව ඇමති ධුරවල දිවුරුම් දී තිබීම නීති විරෝධී නොවන බවට නීතිපතිවරයා විසින් දැනටමත් ඔප්පු කර තිබීමයි ඊට හේතුව වන්නේ.
