වැටුප් සහ සේවා කොන්දේසි එකගතා කඩ කිරීම් පදනම් කරගනිමින් වැඩ වර්ජනයක් සිදුකිරිමට සිඩ්නි ජල සේවකයන් සූදානම් වනවා.
පාලනාධිකාරිය සමග පැවති සාකච්ඡා බිඳ වැටීමත් සමග කොමිසම වෙතද පැමිණිල්ලක් ඉදිරිපත් කල බවයි ඔවුන් සඳහන් කලේ.
මෑත කාලීනව සිඩ්නි ජල සේවකයන් විශාල පිරිසක් සේවයෙන් ඉවත්ව ගොස් ඇත්තේද වැටුප් ගැටලු පදනම් කරගනිමින් බවටයි වෘත්තීය සමිති චෝදනා කරන්නේ.
කිසියම් අයුරකින් සිඩ්නි ජල සේවකයන් වර්ජනයක නිරත වුවහොත් නිවු සවුත් වේල්ස් හි ලක්ෂ 53 ක් පමණ වන පදිංචිකරුවන්ට සැළකිය යුතු බලපෑමක් වනු ඇති බවට අනතුරු ඇගවෙනවා.
මේ අතර සාකච්ඡා මාර්ගයෙන් මෙම ප්‍රශ්නය විසඳා ගන්නා ලෙසයි ප්‍රාන්ත අගමැති ක්‍රිස් මින්ස් සෑම පාර්ශවයකින්ම ඉල්ලා සිටින්නේ.
