කොළඹ නෙළුම් කුළුණේ සිට පැරෂුට් පැනීමේ සංදර්ශනයක් අද සිට දින 3ක් පුරා පැවැත් වීමට කටයුතු සැලසුම් කර තිබෙනවා.
ජාත්‍යන්තර බේස් ජම්පර්ස් සාමාජිකයින් 35ක් මෙහිදී සිය කුසලතා ප්‍රදර්ශනය කරන බවයි නෙලුම් කුළුණ කළමනාකරණ සමාගම සඳහන් කළේ.
මෙම අවස්ථාව නැරඹීමට පැමිණෙන ලෙසට ද නෙළුම් කුළුණ කළමනාකාරීත්වය ජනතාවගෙන් ඉල්ලීමක් කර තිබෙනවා.
අද (12), හෙට (13) සහ අනිද්දා (14) යන තෙදින තුළ මෙම පැරෂුට් පිමි පැනීමේ සංදර්ශනය පැවැත්වෙනු ඇති.
අද පස්වරු 01 සිට සවස 6 දක්වාත් හෙට (13) පෙරවරු 9සිට රාත්‍රී 9 දක්වා සහ අවසන් දිනය වන 14 වනදා පෙරවරු 9 සිට පස්වරු 2 දක්වා අදාළ සංදර්ශනය පැවැත්වෙන බව සඳහන්.
නෙලුම් කුළුණ වෙත සංචාරක ආකර්ෂණය ඉහළ නංවා ගැනීම මෙම වැඩසටහනේ මූලික අරමුණ වී තිබෙනවා.
