නිවාස පණත් කෙටුම්පත සම්බන්ධ ඉදිරි ක්‍රියාමාර්ග අද ප්‍රකාශයට

දැඩි ආන්දෝලනයට තුඩුදුන් ෆෙඩරල් නිවාස පණත් කෙටුම්පත සම්බන්ධ ඉදිරි ක්‍රියාමාර්ග අගමැති ඇන්තනී ඇල්බනීස් විසින් අද නිල වශයෙන් ප්‍රකාශයට පත් කිරීමට නියමිතයි.

මීට මාසයකට පමණ පෙර මෙම පණත් කෙටුම්පත පළමුවරට පාර්ලිමේන්තුවේදී සළකා බැලුණු අවස්ථාවේදී පරාජයට පත්වුණා.

ලබන සතියේදී පාර්ලිමේන්තුව නැවත රැස්වීමත් සමග නියෝජිත මන්ත්‍රී මණ්ඩලයට පණත් කෙටුම්පත යළි ඉදිරිපත් කෙරෙනු ඇති.

විවාදය අවසානයේ ඡන්ද විමසීමක් පැවැත්වෙනු ඇති අතර එහිදීද පණත් කෙටුම්පත පරාජයට පත්වුවහොත් හදිසි මහ මැතිවරණයක් කැඳවීමට අගමැති ඇන්තනී ඇල්බනීස් ට සිදුවනවා.

නිවාස කුළී ඉහළ දැමීම් සම්බන්ධ උපරිම සීමාවක් පැණවිය යුතු බවට අදහස් දක්වමිනුයි ග්‍රීන්ස් පක්ෂය විසින් මෙම පණත් කෙටුම්පතට විරෝධය දක්වනු ලැබුවේ.

සමාජ නිවාස ව්‍යාපෘතියක් සඳහා ඩොලර් බිලියන 02 ක ආයෝජනයක් සහිතවයි ලේබර් පක්ෂ රජය විසින් මෙම පණත් කෙටුම්පත ඉදිරිපත් කරනු ලබන්නේ.

ශ්‍රී ලංකාවේ ඔෂිනිට Woman Fide Master ගෞරව නාමය

ලෝක චෙස් සම්මේලනය විසින් ශ්‍රී ලංකාවේ නැගී එන ක්‍රීඩිකාවක වන ඔෂිනී දේවින්ද්‍යා ගුණවර්ධනට වුමන් ෆිඩේ මාස්ටර් (Woman Fide Master (WFM) ගෞරවය පිරිනමා තිබෙනවා.

Read More »

ඔස්ට්‍රේලියාවේ ස්ට්‍රෝබෙරි ගම්මානයක් ශ්‍රී ලංකාවේ

නුවරඑළිය ප්‍රදේශයේ ස්ථාපිත කරනු ලැබූ ශ්‍රී ලංකාවේ ප්‍රථම ස්ට්‍රෝබෙරි ආදර්ශ ගම්මානය තුළ සිදු කෙරෙන ස්ට්‍රෝබෙරි වගාවේ පැළ රෝපණ කටයුතු මේ වන විට අවසන් කර ඇතැයි කෘෂිකර්ම අමාත්‍යංශය පවසනවා.

Read More »

කොවිඩි නීති උල්ලංඝණයට පැනවූ දඩ අය කර ගන්න නව වැඩසටහනක්

කොවිඩ් වසංගත සමයේ නිකුත් කර තිබූ මහජන සෞඛ්‍ය උපදෙස් සහ දේශසීමා නීති උල්ලංඝනය කිරීම්වලට සම්බන්ධ දඩ මුදල් අය කර ගැනීමට ක්වීන්ස්ලන්ඩ් ප්‍රාන්ත රජය විශේෂ වැඩසටහනක් ආරම්භ කර තිබෙනවා.

Read More »