ජනවාරි 26 වනදා Australia Day සැමරුම් නොපැවැත්වීමට තවත් නාගරික කවුන්සිල 02 ක් ද තීරණය කර තිබෙනවා.
වික්ටෝරියා බෙන්ඩිගෝ නාගරික කවුන්සිලයේ ඊයේ රාත්‍රී පැවති රැස්වීමකදී එකග වී ඇත්තේ ඔස්ට්‍රේලියානු පුරවැසිභාවය පිරිනැමීමේ උත්සව ජනවාරි 25 වනදා පැවැත්වීමටයි.
ස්වදේශික ජනතාවට වැඩි අවස්ථාවක් හිමිවන ඉසව් කිහිපයක් ජනවාරි 26 වන දින පැවැත්වීමටද තීරණය වි තිබෙනවා.
මේ අතර ඇඩිලේඩ් හිල්ස් නාගරික කවුන්සිලයද පසුගිය අගහරුවාදා දිනයේදී තීරණය කර ඇත්තේ මින් ඉදිරියට ජනවාරි 26 වනදා Australia Day සැමරුම් නොපැවැත්වීමටයි.
මීට අමතරව වික්ටෝරියා ප්‍රාන්තයේ ජීලොංග් – මෙරිබෙක් – යාරා ඇතුලු නාගරික කවුන්සිල 04 ක්ද මේ වනවිට යෝජනා සම්මත කරගෙන ඇත්තේ Australia Day උත්සව ජනවාරි 26 වනදා නොපැවැත්වීමටයි.
