වික්ටෝරියා ප්රාන්තයේ නිවාස අර්බුදය විසඳීමට ප්රාන්ත රජය විසින් තීරණ රැසක් ගැනීමට නියමිත බවට වාර්තා පළවනවා.
අදාළ යෝජනා කවරේදැයි හෙළිකල නොහැකි නමුත් නිවාස හිමියන් සහ කුළී නිවැසියන් යන දෙපාර්ශවයටම අවාසියක් නොවන ක්රියාමාර්ගයක් ගන්නා බවයි ප්රාන්ත අගමැති ඩැනියල් ඇන්ඩෲස් සඳහන් කලේ.
නිල නොවන වාර්තා පවසන්නේ වසර 02 කට එක් අවස්ථාවකදී පමණක් නිවාස කුළී ගාස්තු ඉහළ දැමීමකට අවසර දීමේ යෝජනාවක්ද මේ අතර වන බවයි.
දැනට සෑම මාස 12 කට වරක් බැගින් එලෙස කුළී ගාස්තු ඉහළ දැමීමට වික්ටෝරියා නිවාස හිමියන්ට අවසර පවතිනවා.
මීට අමතරව කෙටි කාලීන නවාතැන් සඳහා නව බද්දක් අය කිරීම කෙරෙහිද වික්ටෝරියා ප්රාන්ත රජයේ අවධානය යොමුවී තිබෙනවා.
