ඉලෙක්ට්‍රොනික දුම්වැටි භාවිතය අධෛර්යමත් කිරීම සඳහා දකුණු ඔස්ට්‍රේලියා ප්‍රාන්ත රජය විසින් ඩොලර් මිලියන 2 ක නව ප්‍රචාරණ වැඩපිළිවෙලක් සැළසුම් කර තිබෙනවා.
තරුණ ප්‍රජාව එහිදී වැඩි වශයෙන් ඉලක්ක කෙරෙනු ඇති අතර සමාජ මාධ්‍ය ඇතුලු අංශ කිහිපයක සති 08 ක් පුරා එම දැන්විම් පළකිරීමට නියමිතයි.
ජනප්‍රිය ඔස්ට්‍රේලියානු ක්‍රීඩකයන් ඇතුලු විවිධ පාර්ශව යොදාගෙන මෙම දැන්වීම් නිර්මාණය කර තිබීම විශේෂත්වයක්.
ඉලෙක්ට්‍රොනික දුම්වැටි භාවිතයේදී සිරුරට සිදුවන හානිය සම්බන්ධයෙන් මෙම ප්‍රචාරණ වැඩපිළිවෙලේදී දැනුවත් කෙරෙනු ඇති.
සාමාන්‍ය දුම්වැටි භාවිතයේ ඇති අවධානම පිළිබඳ වෙනම දැනුවත් කිරීමේ ප්‍රචාරණ වැඩපිලිවෙලක්ද ඉදිරි මාසවලදී ආරම්භ කිරීමටයි දකුණු ඔස්ට්‍රේලියා ප්‍රාන්ත රජය සූදානමින් සිටින්නේ.
