ඔස්ට්‍රේලියාවේ ගිලන්රථ සේවය සම්බන්ධයෙන් ජනතා විමුක්ති පෙරමුණේ නායක අනුර කුමාර දිසානායක මෑතකදී සිදුකල ප්‍රකාශය පදනම් විරහිත අසත්‍යය එකක් බවට කරුණු තහවුරු කිරීමේ (Fact Check) වෙබ් අඩවියක් වන ෆැක්ට් ක්‍රෙසෙන්ඩෝ (fact crescendo) විසින් නිගමනය කර තිබෙනවා.
ඔහු මෑතකදී ඔස්ට්‍රේලියාවේ සංචාරයක් අවසන් කර දිවයිනට පැමිණීමෙන් පසු වත්තල පැවති ආසන බල මණ්ඩල රැස්වීමකදී පැවසු කරුණක් සම්බන්ධයෙන් සමාජ මාධ්‍ය ඔස්සේ දැඩි ලෙස කතාබහට ලක්වූණා.
අනුර දිසානායක එහිදී පවසා තිබුණේ ඔස්ට්‍රේලියාවේදී යම්කිසි පුද්ගලයෙකු ගිලන් රථයක් කැඳවූ විට එක් ගිලන් රථයක් යම් දෝෂයකට ලක්වීමේ අවදානම ඇති බැවින්, ගිලන් රථ දෙකක් එකවර පැමිණෙන බවයි.
කෙසේවෙතත් ෆැක්ට් ක්‍රෙසෙන්ඩෝ වෙබ් අඩවිය විසින් කල විමසීමකදී අනාවරණය වී ඇත්තේ එවැනි කිසිදු සම්ප්‍රදායක් ඕස්ට්‍රේලියාවේ නොමැති බවයි.
ගිලන් රථ දෙකක් පැමිණෙන බවට කිසිදු පිළිගත හැකි මුලාශ්‍රයක සදහන් නොවන බවද ඔවුන් විසින් තහවුරු කරගෙන තිබෙනවා.
ඔස්ට්‍රේලියාවේ ගිලන් රථ හිගයක් සහ පුහුණු කාර්ය මණ්ඩල හිගයක් ද පවතින බැවින් ගිලන් රථයක් පැමිනීමට ඉතා දිගු කාලයක් ගතවන බවද එහි සඳහන්.
සෑම ප්‍රාන්තයකින්ම පාහේ ගිලන් රථ සදහා ඇමතුම් ලබාදුන් විට ප්‍රතිචාර දැක්වීමේ ප්‍රමාදයන් සිදුවන අතර කිහිප විටක් ඇමතුම් ලබාගැනීමට සිදුවීම සහ පැය ගණනක් ගිලන් රථයක් පැමිණෙන තෙක් බලා සිටීමට සිදුවන බවයි ෆැක්ට් ක්‍රෙසෙන්ඩෝ විසින් තහවුරු කර ඇත්තේ.
එබැවින් ගිලන් රථ දෙකක් පැමිණෙන බවට, ජාතික ජන බලවේගයේ නායක අනුර කුමාර දිසානායක විසින් පවසන ලද ප්‍රකාශය සාවද්‍ය බවට අවසාන වශයෙන් නිගමනය කර තිබෙනවා.
SOURCE :
ඕස්ට්‍රේලියාවේදී ගිලන් රථයක් කැඳවු විට, ඒ සමඟ අතිරේක ගිලන් රථයක් ද පැමිණෙන්නේ නැහැ!
