වික්ටෝරියා ප්‍රාන්තයේ MyKi කාඩ්පත් ක්‍රමයට ක්‍රෙඩිට් කාර්ඩ් මගින් ගෙවීම සිදුකිරීමේ යෝජනාව ප්‍රාන්ත රජය විසින් මීට වසර 02 කට ඉහතදී ප්‍රතික්ෂේප කර ඇතැයි අනාවරණය වනවා.
කෙසේවෙතත් ඉදිරි වසර 15 සඳහා වික්ටෝරියා පොදු ප්‍රවාහන සේවයේ MyKi කාඩ් ක්‍රමය පවත්වාගෙන යාමට කොන්ත්‍රාත්තුව පිරිනැමූ සමාගමේ ප්‍රධාන සංශෝධනයක් වන්නේද ක්‍රෙඩිට් කාඩ් මගින් ගෙවීම් සිදු කිරීමට පහසුකම් සැළසීමයි.
ඒ අනුව මුදල් නොට්ටු භාවිතයෙන් තොරව පොදු ප්‍රවාහන සේවා ගාස්තු ගෙවීම වික්ටෝරියානුවන්ට තවත් පහසු වනු ඇතැයි සඳහන්.
නව ක්‍රමයේ අත්හදා බැලීම් ලබන වසරේ සිට ආරම්භ කෙරෙන අතර වසර 02 කට පමණ පසු ස්ථිරවම ක්‍රියාත්මක කිරීමට නියමිතයි.
ඩැනියල් ඇන්ඩෲස් රජය විසින් වසර 02 කට ඉහතදී මෙම යෝජනාව ප්‍රතික්ෂේප කර ඇත්තේ තුමන සාධකයක් මතදැයි මේ දක්වා අනාවරණය වී නැහැ.
