ඔස්ට්‍රේලියාවේ උද්ධමනය කැපී පෙනෙන පහළයාමක් වාර්තා කර තිබෙනවා.
පසුගිය අප්‍රේල් මාසයේදී එය සියයට 6.8 ක් ලෙස පැවති නමුත් මැයි මාසයේදී සියයට 5.6 ක් දක්වා අඩුවී ඇති බවයි සංඛ්‍යාලේඛණ කාර්යාංශය අද නිකුත් කල වාර්තාවේ දැක්වෙන්නේ.
අප්‍රේල් මාසයේ සියයට 9.5 ක් ලෙස පැවති ඉන්ධන මිළ ඉහළ යාම මැයි මාසයේදී සියයට 8 ක් දක්වා අඩුවී තිබෙනවා.
එමෙන්ම සංචාරක හා නවාතැන් ගාස්තු අඩුවීමද පසුගිය මාසයේදී නිරීක්ෂණය කල බවයි සංඛ්‍යාලේඛණ කාර්යාංශය සඳහන් කලේ.
කෙසේවෙතත් නිවාස කුළී – ආහාර – මත්පැන් – ගෘහභාණ්ඩ වැනි අංශවල මිළ ගණන් කැපී පෙනෙන ලෙස ඉහළගොස් ඇති බවද සඳහන්.
උද්ධමනය පහළයාම හමුවේ ලබන සතියට යෙදී ඇති මීලග පොළී අනුපාතික සංශෝධනයේදී ජනතාවට කිසියම් හෝ සහනයක් ලැබෙනු ඇති බවටයි ආර්ථික විශේෂඥයන් අනාවැකි පළකරන්නේ.
