ස්වදේශික ජනමත විචාරණය පරාජයට පත්වනු ඇති බවට සමීක්ෂණයක් පුරෝකථනය කර තිබෙනවා.
Newspoll ආයතනය විසින් සිදුකර ඇති සමීක්ෂණයකදී හෙළිවී ඇත්තේ ඔස්ට්‍රේලියානුවන් අතුරින් සියයට 43 ක් පමණක් මේ වනවිට ඊට සහය පළකරන බවයි.
ඊට එරෙහි ප්‍රතිශතය සියයට 47 ක් දක්වා ඉහළගොස් තිබෙනවා.
ස්වදේශික ජනමත විචාරණයට වැඩිම අප්‍රසාදයක් පළකර ඇත්තේ ක්වීන්ස්ලන්ඩ් ප්‍රාන්තවාසීන් වන අතර කාන්තාවන්ට වඩා පුරුෂයන් ඊට අකමැත්ත පළකර ඇති බව සඳහන්.
කෙසේවෙතත් ස්වදේශික ජනමත විචාරණය කෙසේ හෝ මෙම වසර අවසන්වීමට පෙර පවත්වන බවයි අගමැති ඇන්තනී ඇල්බනීස් අවධාරණය කලේ.
පසුගියදා පාර්ලිමේන්තුවේ සෙනෙට් සභාව හමුවේදී ඊට 52 ට 19 ක් ලෙස ඉහළ සහයෝගයක්ද හිමිවුණා.
