වික්ටෝරියා ප්‍රාන්තය තුළ තවත් ප්‍රාථමික සත්කාරක සේවා මධ්‍යස්ථාන 12 ක් විවෘත කරන බව ප්‍රාන්ත අගමැති ඩැනියල් ඇන්ඩෲස් පවසනවා.
නොමිළයේ සෞඛ්‍ය සේවා ලබාගැනීමට අපහසු පවුල්වල සාමාජිකයන්ගේ මූල්‍ය පීඩනය අවම කිරීමේ අරමුණ ඇතිව මෙම මධ්‍යස්ථාන ස්ථාපිත කරන බවයි අගමැතිවරයා කියාසිටියේ.
හදිසි බාහිර ප්‍රතිකාර ඒකකවල පවතින දැඩි තදබදය අවම කිරීමද මෙහි ප්‍රධාන ඉලක්කයක් බව ඩැනියල් ඇන්ඩෲස් සඳහන් කලා.
Mildura, Sunbury & Bendigo යන ප්‍රදේශවල ස්ථාපිත කිරීමට නියමිත නව ප්‍රාථමික සෞඛ්‍ය සේවා ප්‍රතිකාර ඒකකද විවෘත කල පසු වික්ටෝරියාවේ එවැනි ස්ථාන 25 කදී ප්‍රතිකාර ගැනීමට ප්‍රාන්තවාසීන්ට අවස්ථාව උදාවනවා.
සතියකදී එක් ස්ථානයකින් රෝගීන් 300 කට පහසුකම් සැළසීමයි ඉලක්කය වී ඇත්තේ.
